Mikạ 6:7 - সান্তালী বাইবেল

⁷ Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

Mikạ 6:7 Iomraidhean Croise

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

Sereńko 51:16

Am do janwar dãṛẽ hõ bam kusiyakʼ kana, ar baṅkhan onageń emkema; ar am do jeredokʼakʼ dãṛẽte hõ bam tirpitokʼa.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.

Hosea 6:6

Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

Sereńko 50:9

Amakʼ goṛaren ḍaṅgrako reakʼ hõ jạruṛ bạnukʼtińạ, ar amakʼ khạṛren meromko hõ baṅa;

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

2 Rapajko 3:27

Unre uni do acʼren pạhil hopon, okoe do acʼ tayom raje hoykokʼ uni do nagraha reakʼ pạcri cetanre idikateye dãṛẽkedea ar seṅgelreye samaṅkedea. Uni do Israelko cetanre ạḍi ãṭe edreyena, ar Israelko doko uṭhạuente akoakʼ disạmteko ruạṛ calaoena.

Jesaea 40:16

Lebanon reakʼ kaṭ do sahan lạgitʼ baṅ kulạukʼa ar onaren janwarko hõ jeredokʼ samaṅokʼakʼ lạgitʼ bako kulạukʼa.

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Philimon 1:12

Jaehok, am ṭheniń kolekana; uni do ińren dulạṛiạ gate kanae.

Amos 5:22

Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.

Jeheskel 23:37

Unkin dokin laṭghaṭ akada ar ti do mãyãmtekin thoko boko akatʼtạkina. Boṅga murhutʼkin sewawako kante unkin dokin laṭghaṭ akada; ar iń lạgitʼkin janam akatʼko hopon ar hoponerako do boṅga murhutʼkoren jomakʼ lekate seṅgelrekin samaṅ akatʼkoa.

Jirimiạ 19:5

Onko do Bakʼal ńutumte jeredokʼ samaṅokʼakʼko menkate akoren hoponko seṅgelre atar giḍiko lạgitʼ Bakʼal boṭkocʼ thankoko benao akada, menkhan iń do bạń hukum akada se bạń menakada ar ona do ińakʼ monre tishõ baṅ rakapʼakana.

Jobakʼ 29:6

Ińakʼ taṛam horre toage ạtukʼkan tahẽkana, ar huṭupʼ dhiri khon do jạitun sunum reakʼ jharnage bhumbuk oḍokokʼkan tahẽkana.

Bikʼcạrko 11:39

Ado bar cando paromen khan uni do acʼ apattetʼ ṭhene ruạṛ hecʼena. Ar Jiptha do Probhu Isor ṭhen okae manotletʼ onkage acʼren hoponera cetanreye kạmikeda. Ar kuṛi do kũạri tahenregeye gocʼena. Niạ ghoṭna khon Israelko talare mitʼṭecʼ niạm ehopʼena.

Levitikus 20:1

Ona tayom Probhu Isor do Mose Israelko noa katha galmaraoakoe metadea, “Jãhãe Israel se Israel talareko girobasokʼ kan eṭakʼ jạtren jãhãe hoṛge Molok debota ṭhen acʼren hopon se hoponerae samaṅe enḍekhan uni do gocʼ giḍikae hoyokʼa. Ar disạmren hoṛge uni do dhiriteko tiń gojema.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Jesaea 1:1

Jihudi disạmren Usiạ raj, Jotham raj ar Hiskiạwakʼ rajokʼ oktere Amosren hopon Jesaea do Jihudạ ar Jerusalem reaṅ oka dorsone ńamletʼ ona reaṅge nonḍe do ol akana.

Hosea 5:6

Onko do akoren bheḍa ar ḍaṅgra palkoante Probhu Isor ṭhenko senlenre uni do bako ńamekana; onko khon acʼ doe ocogokʼkana.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”