Mikạ 5:6 - সান্তালী বাইবেল

⁶ Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Mikạ 5:6 Iomraidhean Croise

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

1 Bõsbudạ 1:10

Kusren do mitʼṭen hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

Jobakʼ 29:22

Ińiń roṛ tayom do cetʼ kathage bako roṛetʼ tahẽkana; onko ṭhen iń do mạ̃hir salakʼ kathań roṛetʼ tahẽkana.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Sereńko 72:6

Irakatʼ ghãs goḍare jạṛi dakʼ ńurlenre cetʼleka hoyokʼ onkage uni hõe hoyokʼma; jemon uni do hasae lohotʼ akatʼ dakʼ lekae hoyokʼ.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 37:37

Onate Ạsurren raj Senakerib do acʼren lạṛhại phạdanteye ruạṛ calaoena ar Niniwi nagrahare senkateye tahẽyena.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Nạhum 2:11

Onko dhạcri kulkoakʼ dander ńitokʼ do okare menakʼa, one okare akoren hoponko nunuako kan tahẽkan, ar onḍe dhạcri kul ar kul eṅga do hoponko salakʼ khạtirjomako tahẽkana?

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Luk 1:71

Uni do bạirikoakʼ ti khon ar hirkhạkʼ kankoakʼ ti khon aboe bańcao akatʼ bona.

Luk 1:74

Uni do bạirikoakʼ ti khon aboe bańcaoketʼbona jemon tinạkʼ din jiwetʼbon tahen sonot ar dhoromre acʼ samaṅre teṅgo akan begor botor salakʼ bon sewa daṛeae.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.