Mikạ 5:5 - সান্তালী বাইবেল

⁵ Uni do suluke ạguiya. Ạsurrenko tinre aboakʼ disạmko akromona ar aboakʼ gaṛ do jaṅgateko lebetʼ gasmanḍaoa unre uni upạrte abo do eae goṭen gukʼpiko, hẽ, irạl goṭen mukhiyạge bon teṅgokoa.

Mikạ 5:5 Iomraidhean Croise

Jobakʼ 5:19

Turui goṭecʼ muhin khon uni doe rukhiyạmea, ar eae goṭecʼ muhinre hõ cetʼ khutige baṅ hoyokʼtama.

Sereńko 72:7

Uniyakʼ rajokʼre Isor botoraeko do bạ̃ṛti bhor jemonko ńam; ar tinạkʼ din ńindạ candoe tahen unạkʼ din onkoakʼ jion do bhạlạiyte perejokʼ takoma.

Kạhtukko 30:18

Pea jinis iń do ạḍi hahaṛań bujhạua, menkhan ponea jinis do baṅgeń bujhạu daṛeakʼa.

Kạhtukko 30:29

Pea menakʼkoa okoe do ṭhonokante jaṅgako lahayetʼ, menkhan ponea do ṭhonokanteko taṛameda.

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Sosolhayic̕ 11:2

Eae goṭecʼ, hẽ irạl goṭecʼ hõ bakhrawakome, ente dhạrtire cetʼ muhin hijukʼa ona do do bam baḍaea.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 65:8

Probhu Isore meneda, “Darkha jo reakʼ thopare rasa menakʼa ńelte cetʼleka hoṛko men, ‘alom nosṭoea, ńithõ onare bhageakʼ menakʼa,’ onkage ińren gutiko modre joto do bạń maraokoa.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Amos 1:3

Probhu Isore meneda, “Damesek reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente mẽṛhẽtʼ reakʼ jạnumanakʼ enokʼ paṭate onko do Gileadko en akadea.

Amos 1:6

Probhu Isore meneda, “Gasa reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente onko sanam hoṛ do bondikate Edomakʼ tireko jimạ ocoakana.

Sakariạ 10:11

Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.

Sakariạ 10:3

Probhu Isore meneda, “Gukʼpiko upạrte ińakʼ edre do jaljalaokʼ kantińạ, ona iạte mukhiyạ gukʼpikoń sạjạikoa. Iń phạdkoren Probhu Isorge ińakʼ palren, metakʼme Jihudạren hoṛkoń ńel todarotkoa ar daṛean lạṛhại sadom lekań hoyocokoa.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.

Sakariạ 9:13

Jihudạ do akʼ leka ar Ephrayim do sar lekań beoharea. E Sion, iń do amren hoponko Grecce disạmren hoponko upạrteń uskạukoa ar am do lạṛhại reakʼ tarwaṛe lekań hoyocomea.”

Luk 2:14

“Sermare Isorakʼ ṭhonok dhạrtire suluk, manwakore kusi.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.