Mikạ 5:3 - সান্তালী বাইবেল

³ Ona iạte uni do unhạbicʼe alae giḍikoa one tin hạbicʼ jakʼnamicʼ do bae janame. Ar unre acʼren boehakoren sarecʼko doko ruạṛa, Israel hoponko ṭhenge.

Mikạ 5:3 Iomraidhean Croise

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

2 Bõsbudạ 30:7

Ape do aperen hapṛamko ar aperen Israel boehako leka do alope hoyokʼa. Onko do onkoren hapṛamkoren Probhu Isor cetanre bepạtiạrko tahẽkante ạḍiye sạjạiyletʼkoa. Ape do onape ńeletʼkangea.

Sereńko 67:3

E Isor, jạt jạtrenko do amko sarhaome ma; sanam jạtrenkoge onako onkaema.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Hosea 2:14

“Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.

Hosea 2:9

“Onate ińakʼ phosol belelen khan ar ińakʼ nãwã darkha rasa hoylen khan ona doń hatao ruạṛa. Ar okaṭakʼte uniyakʼ uluṅtetʼe dapal esetʼkakʼ kan tahẽkan ona ińakʼ bhiḍi upʼ ar musnạ jạ̃ṛĩ sutạm hõń ạguiytińạ.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Mikạ 5:7

Jạt jạtrenko talare Jakobren bańcao tahen hoṛ do Probhu Isor ṭhen khonakʼ sisir dakʼ leka, ar ghãs cetanre achaṛ dakʼ lekage one ona do hoṛ bae tạṅgiko, ar baṅ do manwa hoponkoe koyokʼ horko.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Sakariạ 10:6

“Iń do Jihudạren hoṛko daṛeaniń hoyocokoa ar Josephakʼ, metakʼme Israelren hoṛkoń bańcaokoa. Iń do onkoń ruạṛ ạgukoa, ente onko cetanre mãyã menakʼtińạ. Unre onko do bạń nihạ̃t giḍi akatʼko lekako hoyokʼa, ente ińkangeạń onkoren Isor do; arko hohowạńre onkoakʼ iń ańjomtakoa.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.