Mikạ 4:11 - সান্তালী বাইবেল

¹¹ Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Mikạ 4:11 Iomraidhean Croise

Sereńko 129:5

Okoe Sionko kurudakʼ kan onko doko lajao ocokʼma arko pạc ruạṛokʼma.

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana

Jesaea 10:7

Menkhan Ạsurrenkoakʼ monsubạ onka do baṅa, uniyakʼ goṭawakʼ do eṭakʼ leka; uniyakʼ monsubạ do marao giḍikakʼ ar ḍher jạtrenko ses utạrko.

Jesaea 17:12

Hae, hae, jạt jạtrenkoakʼ hud hudạukʼ do ańjomokʼ kana! Ona do jalapuri reakʼ hud hudạukʼ lekage. Disạmrenkoakʼ hud hudạukʼge ańjomokʼ kana. Onko do ḍubạ dakʼ reakʼ hud hud saḍe lekageko andoṛeda.

Jesaea 29:7

Unre sanam gad gad boṅgan hoṛ jạtrenko okoe do Ariel upạrteko lạṛhạikan, metakʼme okoe do uni ar uniyakʼ gaṛ upạrteko lạṛhạikan arko cipạyede onko do kukmũ ar ńindạ reakʼ dorson lekako hoyokʼa.

Jirimiạ 52:4

Ona iạte uniyakʼ rajokʼ areakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Onko do nagraha bahrereko ḍerayena ar nagraha beṛhaete pinḍhạkoe benaokeda.

Jeheskel 26:3

Ona iạte iń Probhu Isorgeń menetʼkana, ‘E Tur, am secʼ do bạnuńa. Jalapuri cetʼ leka ḍheokoe rakapʼ ocoy onkage iń hõ am upạrte ḍher jạtrenkoń ạgukoa.’

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

Obodiạ 1:12

Am boehawakʼ hale ḍale oktere am do ạḍitetʼem kusiyena, ar Jihudạren hoṛkoakʼ maraokʼ dinre onko babotrem hulạsena ar onkoakʼ kosṭo hilokʼre do bạḍạitem perecʼlena.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.