Biblia Todo Logo
Bìoball air-loidhne

- Sanasan -




Mikạ 4:10 - সান্তালী বাইবেল

10 E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.

Faic an caibideil Dèan lethbhreac




Mikạ 4:10
27 Iomraidhean Croise  

Amren adom bõsko, amren hoponko, okoe dom janam akatʼko onko do Babel rajakʼ oṛakʼre mạ̃yạ̃ṛi akae tahẽkate sapʼ sosor kạmiko kạmiya.”


Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.


Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.


Okoe gujukʼ ti khon rukhiyạko ńamketʼ onko do Babelteye idiketʼkoa, ar Paras reakʼ raj ạuri teṅgokʼ hạbicʼ onko do Nebukadnesar raj ar uniren hoponkoren golamko hoyena.


“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ. Uniren hoṛko modre, metakʼme ape talare okoeye khojkan uni do onḍeye calakʼma ar uniren Probhu Isor do uni sãoreye tahenma.’ ”


Uni do hirkhạkʼ kankoakʼ ti khon onkoe rukhiyạketʼkoa; bạirikoakʼ ti khon onkoe chaḍaoketʼkoa.


Probhu Isor, aperen chakʼḍaoicʼ, Israelren uni sonoticʼ do niạ kathae meneda, ‘iń do ape ńutumte Babelte hoṛkoń kolkoa ar sanam huṛkạṛ koń rạputʼ giḍikakʼa; ar Kạldikoakʼ bạḍạiyiń maraotakoa.


Ińakʼ dhoromte Kerosiń uskureya; iń do uniyakʼ sanam horkoń sojheytaea. Uni do ińakʼ nagraha arhõe teṅgo ruạṛa, ińren hoṛko okoe bondi dosare menakʼko onkoe aṛakʼkoa menkhan jãhãn dam se kuṛại lạgitʼ do bae onkaea.’ Phạdkoren Probhu Isor do noa kathageye meneda.”


Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”


“Okaṭakʼ jhaṅga kirińkatem horokʼ akatʼ ona totʼkate ńitge phurạt gaḍa ṭhen senokʼme ar dhiri reakʼ ciritʼre oko oṭokakʼme.”


Iń do bạṛicʼkoakʼ ti khoniń rukhiyạmea ar kurmutạhakoakʼ ti khon doń chaḍaomea.”


“Ona iạte ape bondi akanko, okoe do Jerusalem khon Babelteń kolakatʼpe, ape sanamge ińakʼ katha ańjompe.


Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”


Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.


Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.


Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’


Maejiukoakʼ bedonokʼ reakʼ haso lekage uni do bedon rakapʼ akawadea, menkhan uni do bebuj gidrạ leka; okte hoylen khan hõ kukhi reakʼ duạrre bae hijukʼ kana.


“Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.


Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”


Ona iạte uni do unhạbicʼe alae giḍikoa one tin hạbicʼ jakʼnamicʼ do bae janame. Ar unre acʼren boehakoren sarecʼko doko ruạṛa, Israel hoponko ṭhenge.


Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.


Lean sinn:

Sanasan


Sanasan