Mikạ 3:8 - সান্তালী বাইবেল

⁸ Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Mikạ 3:8 Iomraidhean Croise

Jobakʼ 32:18

ente roroṛteakʼ do ḍhergetińạ, ińren jiu do katha roroṛe uskur edeńkana.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jirimiạ 1:18

Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Jeheskel 16:2

“E manwa hopon, Jerusalem do acʼakʼ hirkhạwakʼko kạmi reaṅ baḍae ocoyem.

Jeheskel 20:4

“E manwa hopon, am do cetʼ onkom bicạrkoa? Enḍekhan onkoren hapṛamkoakʼ bạṛicʼ colon reakʼ katha baṛe baḍae ocokome.

Jeheskel 22:2

“E manwa hopon, am do cetʼ bicạr lạgitʼem sapṛaogea? Enḍekhan mãyãme joro ocoakatʼ niạ nagraha reakʼ baṛe bicạrme. Am do uniyakʼ sanam hirkhạwakʼ kạmiko reakʼ katha baḍae ocoyem.

Jeheskel 23:36

Inạ tayom Probhu Isor do ińe metadińạ, “E manwa hopon, am do cetʼ Ohola ar Oholiba tạkin bicạrkin lạgitʼem sapṛaogea? Enḍekhan unkinakʼ hirkhạwanakʼ kạmiko reakʼ katha baṛe baḍae ocokinme.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Jeheskel 43:10

“E manwa hopon, am do Israelko ṭhen noa mundil oṛakʼ reaṅ lại jạhirme ar noa noksha reaṅ hudis lạgitʼ metakom, jemon onko do akoakʼ kại iạteko lajaokʼ.

Mathae 7:29

ente uni do sostor baḍaeko leka do baṅ, bickom ektiạri menakʼtae hoṛ lekae cetʼako kan tahẽkana.

Mark 3:17

Sabdaeren hopon Jakob ar Johan, (nukinakʼ ńutum do Boanergise dohoketʼ tạkina metakʼme huḍurren hoponkin);

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkantińạ, bickom onare sonot Jiuakʼ daṛege ńelokʼkan tahẽkana,