Mikạ 3:7 - সান্তালী বাইবেল

⁷ Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Mikạ 3:7 Iomraidhean Croise

Sereńko 74:9

Abo iạte jãhãn hahaṛa kạmi hoyokʼkan nonka do ar babon ńeleda; jãhãn nạbiko hõ ar bạnukʼkoa; nonka baṅ ar tinạkʼ din calakʼ ona do aboren okoe hõ bako baḍaea.

Exodus 9:11

Gonokko do Mose samaṅre ar bako teṅgo daṛeada, ente onko hõ eṭakʼ Misri hoṛko leka ojo rakapʼatʼkoa.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Jeheskel 24:22

Unre Jeheskel okae cekaketʼ apehõ onape onkaea. Moca bape beda ar hokʼmorkoakʼ jomakʼ hõ bape joma.

Levitikus 13:45

“Nonkan rog okoeyakʼ hoyokʼ uni do oṛecʼ kicricʼ horog hoyokʼtaea. Ar upʼ do aṛakʼge tahentaea. Uni do acʼakʼ mẽtʼ betʼkate ãṭ aṛaṅte ‘besapha, besapha,’ roroṛ hoyokʼtaea.

Amos 8:11

Probhu Isore meneda, “Nonkan dinko daraekana tinre iń do disạm talare akaliń hoeocoya. Ona do jomakʼ reakʼ akal se dakʼ tetaṅ reakʼ akal do baṅ hoyokʼa menkhan Probhu Isorakʼ katha ańjom lạgitʼ akalge hoyokʼa.

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Mikạ 7:16

Jạt jạtrenko daṛeanko hoylenre hõ onko do amakʼ kạmi ńelteko lajaokʼa. Onko do mocako bedokʼma ar luturko esetʼkatakoma.

Sakariạ 13:4

“Enhilokʼ mimitʼ nạbiko do uniyakʼ dorson reaṅko lajao ocokʼa. Ekʼṛe nạbiko leka upʼ reakʼ kicricʼ uni do bae horoga.

1 Samuel 14:37

Unre Sạul do Isore kulikedea, “Iń do cetʼ Philisṭikoń laga ńirkoa? Onko do cetʼ Israelkoakʼ tirem jimạkoa?” Enhilokʼ Isor do Sạul cetʼge bae roṛ ruạṛadea.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

1 Samuel 9:9

(Lahateakʼ dinkore Israel disạmren jãhãe hoṛ Isor ṭhen khon jãhãnakʼ reaṅ baḍae joṅko men khan onko do calakʼ lahareko menetʼ tahẽkana, “Dela, ńeńelicʼ ṭhen bon calakʼa.” Ar ńitokʼ okoe do nạbiye men ocokʼkan uni do lahateakʼ dinkore ńeńelicʼe men ocokʼkan tahẽkana.)