Mikạ 3:2 - সান্তালী বাইবেল

² Ape do bhageakʼ kạmipe hirkhạwakʼ kana ar bạṛicʼakʼ kạmi dope dulạṛeda; Ape do ińren hoṛkoakʼ hoṛmo khon harta ar jaṅ khon jelpe chaḍaoetʼtakoa;

Mikạ 3:2 Iomraidhean Croise

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

Sereńko 53:4

Bạṛicʼakʼ kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Isor hõ bako hohoaea.

Kạhtukko 28:4

Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Jesaea 5:20

Hae, onko hoṛ do, one okoe bạṛicʼakʼ do mońjko metakʼkan ar mońjakʼ do bạṛicʼko metakʼkan, marsal do ńutko metakʼkan ar ńut do marsal menteko hudisetʼkan, ar okoe heṛemakʼ do haṛhatʼko metakʼkan ar haṛhatʼ do heṛemakʼ menteko hudisetʼkan.

Jesaea 57:12

Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.

Jeheskel 11:7

“Ona iạte Probhu Isor do ińe metadińạ, ‘sạrige noa nagraha do utu teakʼ celaṅ kana, menkhan okoeko hoṛ do nagraharepe gocʼ akatʼko onko kangeako jel do; ar onḍe khon iń doń laga oḍokpea.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 24:4

Ona talare jel kuṭi emakʼme, bulu ar taren reakʼ bhage bhage jel kuṭige emakʼme. Ar bhage bhage jaṅkoante ona do perej me.

Jeheskel 34:3

Ape do toape jomeda, ar upʼte do kiricʼ benaokatepe horokʼeda ar bachao akan bheḍakope guretʼkoa, menkhan bhiḍiko do bape jotonetʼkoa.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Mikạ 2:8

Nebetar ińren hoṛ do bạiri lekako hoyakana. Lạṛhại khon ruạṛ hecʼakan hoṛko leka okoe do khạtirjomako dãṛãnkan onkoakʼ hoṛmo khon kicricʼpe or totʼetʼtakoa.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Johan 18:40

Noa iạte sanamko ãṭ aṛaṅte hohowateko menkeda, “Uni do baṅ, Barabbage.” Uni Barabba do mitʼṭen ḍạkui tahẽkana.

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

2Timothi 3:3

onkore dulạṛ do baṅ tahena, onko doko jhogṛakʼa menkhan bako sulukokʼa. Onko do eṭakʼko reakʼko oktawa, ar apnar do bako sambṛao daṛeakʼa, kurmutạhakoko hoyokʼa, ar bhageakʼ doko hirkhạwakʼa.