Mikạ 3:12 - সান্তালী বাইবেল

¹² Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Mikạ 3:12 Iomraidhean Croise

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 79:1

E Isor, eṭakʼ jạtrenko do amakʼ sompottiko hat akada, ar onko do onḍeko bolo akana; amakʼ sonot oṛakʼko bhõnḍ akada; ar Jerusalem do maraokʼ reakʼ dhiri puńjirko hoyoco akada.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jirimiạ 17:3

E Jihudạ, amakʼ kại gunạkʼte disạm talare ińakʼ burure amakʼ dhonko ar amakʼ murạiko ar goṭa disạm reakʼ amakʼ than boṭkocʼko do luṭ reakʼ jinis lekateń soprota.

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 22:6

Jihudạ raj oṛakʼ reakʼ sanam ṭhạ̃i reaṅ Probhu Isore meneda, “Am do iń ṭhen Gileadrenko leka ar Lebanon reakʼ buru muthni leka kanrehõm khạṭige am do hahaṅkar ṭoṭha reakʼ ujạṛakʼ nagraha lekań hoyocomea.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 44:2

“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Rak̕joṅ 5:18

Sion buru do ujạṛakʼ hoyakana; toyoko do onareko dãṛã baṛaekana.

Mikạ 1:6

Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭecʼ dhiri hõ eṭakʼ dhiri cetanre baṅ tahena, joto do rạputʼ giḍikʼa”