Mikạ 3:11 - সান্তালী বাইবেল

¹¹ Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:11 Iomraidhean Croise

Kạhtukko 17:23

Bedhoromicʼ do gocha khon ghuse hataoeda hok reakʼ horko konḍeyae lạgitʼ.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 26:7

Probhu Isorakʼ oṛakʼre Jirimiạ do tinre noako kathae galmaraoako kan tahẽkana unre naekeko, nạbiko ar sanam hoṛko do onako ańjomkeda.

Jirimiạ 5:12

Onko do Probhu Isor reaṅ eṛeakʼgeko roṛeda. Onko doko meneda, “Uni do cetatgeye baṅkana. Aboakʼ jãhãn loksan do baṅ hoyokʼ tabona; abo do tishõ lạṛhại ar akal do babon ńela.

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 34:2

“E manwa hopon, Israelren gukʼpiko upạrte am do nạbi lekate niạ katham lại jạhira, Probhu Isore menetʼkana, ‘Hae, Israelren onko gukʼpiko do, okoe do eken apnargeko ńel jujutkan! Bhiḍiko ńel todarotko do cetʼ gukʼpikoakʼ lek do baṅkana?

Hosea 4:18

Onko do bubulakʼko tinreko ńũ sạta unre onko do loṭghuṭiko ehoba; onkoren disạm cakʼlaoko do lajao paṛaoakʼ colongeko kusiyakʼa.

Hosea 4:8

Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.

Amos 5:14

Ape jemonpe bańcao daṛeakʼ ona lạgitʼ bhageakʼko khudạupe, bạṛicʼakʼ do baṅa; enḍekhan cetʼlekape roṛ baṛae onkage sanam daṛeanicʼ Probhu Isor do sạrige ape sãoteye tahena.

Amos 9:10

Ińren sanam kại hoṛko modre okoeko men, ‘muhin do bae tiyokʼlea se ale ṭhen baṅ hijukʼa,’ onko sanamge tarwaṛeteko gujukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Malaki 2:9

Ape do ińakʼ horte bape senlena bickom ạn-ạriko babotre hoṛko sãote ape hõ mẽtʼãhãpe beṅgetʼakʼ kan tahẽkana. Ona iạte sanam hoṛko samaṅre nihạ̃t ocokʼ ar bemanot ocokʼkoń hoyoco akatʼpea.”

Numeri 16:15

Niạ katha ańjomkate Mose do ạḍiye edreyena ar Probhu Isore metadea, “Onkoakʼ samaṅokʼakʼ do alom ataṅtakoa. Onko ṭhen khon iń do mitʼṭen gadha hõ bạń hatao akadea ar onkoakʼ cetʼ hõ bạń loksan akatʼtakoa.”

Numeri 22:7

Unre bhạg ńel ocoy lạgitʼ Moab ar Midiạnren mukhiyạko do ṭaka-poesa soṅgekateko mohnḍayena. Ar Balak okae metatʼko tahẽkan onkage senkate Biliamko metadea.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.