Mikạ 2:7 - সান্তালী বাইবেল

⁷ E Jakob bõsrenko, apeakʼ noa katha roṛ do baṅ ganokʼa, “Probhu Isorren Jiu do bae ạṛis akana; ar uni do noako kạmi bae kạmiya.” Probhu Isore meneda, “Okoe dhorom horteye calakʼ eken onko cetanrege ińakʼ katha do bhạlạiye ạguiya.

Mikạ 2:7 Iomraidhean Croise

Sereńko 119:65

E Probhu Isor, amakʼ katha lekage amren nui golam dom bhạlạiyede kana.

Sereńko 119:68

Am dom bhagegea arem bhạlạiyetʼa; amakʼ ạnko baṛe cetʼạńme.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

Sereńko 18:26

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundim udukʼako kana.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Kạhtukko 10:29

Probhu Isorakʼ hor do dhorom hoṛko lạgitʼ gaṛ leka, menkhan okoe do bạṛicʼko kạmi onko lạgitʼ do morone ạguiya.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Kạhtukko 2:7

Uni do khạṭi ontorren hoṛko lạgitʼ bude jogao dohoyeda; ar dhoromte okoeko calakʼkan, onkoren ḍhale hoyokʼte

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Jirimiạ 2:4

E Jakob bõsrenko, ar Israelren sanam gusṭirenko, ape do Probhu Isorakʼ katha ańjomtaepe.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Numeri 11:23

Probhu Isor do Moseye roṛ ruạṛadea, “Probhu Isorakʼ daṛe do cetʼ komgea? Ińakʼ katha amre sạrikana se baṅa ona do ńitgem ńela.”

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Johan 8:39

Onate onko Jihudi mukhiyạko do Jisuko metadea, “Abraham doe aleren baba kana.” Jisui metatʼkoa, “Ape do Abrahamren hoponkope hoylen khan Abraham lekagepe kạmikea.

Romiko lạgitʼ Pạul Apostolakʼ ciṭhi 7:13

Enḍekhan okaṭakʼ bhạlạiyakʼ kan ona hotete cetʼ iń doń gocʼena? Tisge baṅa, bickom bhạlạiyakʼ hotetege kại do ińakʼ gujukʼe hoyocokeda, jemon kại do kại kana mente oromokʼ. Ar kại je tinạkʼ bạṛicʼakʼ kan ona do hukum hotetege bujhạukʼ kana.

2 Korinthiko 6:12

Ale do ape lạgitʼ aleakʼ ontorle jhicʼ akada, menkhan ape do ale upạrte apeakʼ ontorpe siń esetʼ akada.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.