Mikạ 2:4 - সান্তালী বাইবেল

⁴ Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Mikạ 2:4 Iomraidhean Croise

2 Samuel 1:17

Sạul ar uniren hopon Jonathan lạgitʼ Dạud do unre niạ homor halaṅ sereńe sereńkeda.

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

Jobakʼ 27:1

Job do katha roroṛtegeye tahẽyena. Uni doe menkeda,

Jesaea 24:3

Dhạrti do ujạṛ utạrokʼa, ar purạtege luṭ ocokʼa. Probhu Isor do niạ kathageye meneda.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 6:12

Okoe disạmreko girobasokʼkan onko upạrte tinre sạjại reakʼ tiyiń rakaba unre eṭakʼkoakʼ tite onkoakʼ oṛakʼ-duạrko, khet baṛgeko ar onkoren era uruko hõko jimạkoa.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Jeheskel 16:44

“Hoṛko do am reaṅ noa kathako mena, ‘Eṅgattetʼ cetʼleka hoponera hõ onkage.’

Jeheskel 2:10

Uni do iń samaṅre onae oṭakʼkeda. Ona reakʼ banarsage homor halaṅ, kũhrạukʼ ar hae haeyokʼ reakʼ kathako ol tahẽkana.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:8

E ińren hoṛko, okoe kũạri kuṛi do acʼakʼ juạn oktere acʼrene hoyokʼ lạgidokʼkan jãwãeakʼ gujukʼ iạte gõṛẽ kicricʼ horokʼkateye homoretʼkan ape do uni leka homorpe.

Amos 5:1

E Israelren hoṛko, ape reaṅ iń homor halaṅetʼkan ona baṛe ańjompe.

Amos 5:17

Sanam darkha khetkorege homor halaṅ do hoyokʼgea ente iń do apeko talateń parom calakʼa. Iń Probhu Isorge noa katha doń meneda.”

Mikạ 1:15

E Maresare girobasokʼ kan hoṛko Probhu Isor do ape upạrte mitʼṭen dokʼkhol kan hoṛe kolea. Ar Israelakʼ sanamakʼ bạḍạiko do Adulamte calakʼa.

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Mikạ 2:10

Ape do beredokʼte, calakʼpe, ona do apeakʼ jirạukʼ jaega do baṅkana; ente ape do disạmpe bhonḍakada, ona iạtege ona do marao utạrokʼa.

Habakkuk 2:6

“Onko sanamkoge uniko landa-dhutʼaea arko mena, ‘hae uni do, one okoe eṭakʼkoakʼ jinis acʼ lạgitʼe jarwajoṅ kan ar jạmin reakʼ jiniskoteye kisạ̃ṛokʼkan. Nonka do ar tinạkʼ din calakʼa?

Sephaniạ 1:2

Probhu Isore meneda, “Iń do dhạrti khon sanamakʼ iń marao utạra.

Numeri 23:18

Biliam do unre Isor emakʼ niạ katha lạlạiye ehopʼkeda: “E Balak raj ma beretʼme, ar ańjomme; E Sipor hopon, ińakʼ katha baṛe luturakʼme.

Numeri 23:7

Unre Biliam do Isor emakʼ noa katha roroṛe ehopʼena: “Balak do Aram disạm khon ińe ạgukedińạ, purub reakʼ buruko khon Moab raj do ińe ạgukedińạ. Uni doe menkeda, ‘iń ńutumte dela Jakob sarapaeme, Israelrenko upạrte bin bhạlạiyakʼ katha baṛe lạiyạńme.’

Numeri 24:15

Unre Biliam do Isor emakʼ noa katha roroṛe ehopʼena: “Beor hopon Biliam do noa kathae meneda, okoeyakʼ mẽtʼ beṅgetʼge menakʼtae uni do noa kathae meneda,

Numeri 24:3

Ar uni do Isorakʼ noa katha lạlạiye ehopʼena: “Bior hopon Biliam do noa kathae meneda, okoeyakʼ mẽtʼ do jhicʼge menakʼtae uni do noa kathae meneda,

Mark 12:12

Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.

Dosar Biboron 28:29

Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.