Mikạ 2:13 - সান্তালী বাইবেল

¹³ Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Mikạ 2:13 Iomraidhean Croise

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Hosea 1:11

Jihudạ ar Israelren hoṛko do arhõko midokʼa ar ako cetanre mitʼṭen mukhiyạko dohoyea. Ona laha oka disạmre bondi akanko tahẽkan onḍe khon onko doko calaojoṅa, ente Jisreyelakʼ ona din do maraṅge hoyokʼa.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Mikạ 2:12

Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”

Mikạ 3:1

Iń Mikạgeń meneda, E Jakobren mukhiyạko, metakʼme Israel bõsren disạm cakʼlaoko, ape do ańjompe. Ape do cetʼ hok reakʼ bicạr babotre baḍae baṅ lek kantapea?

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Ibriko 6:20

Jisuge abo hũyạte abon lahate ona jaegateye calao akana. Uni do jaejug hạbicʼ Melkisedek leka maraṅ naekeye hoyakana.

Josuạ 3:6

Ona tayom uni do naekekoe metatʼkoa, “Ape do goha-sinduk gokʼkate hoṛko laha lahate gaḍape paromokʼa. ” Onate onko do goha-sinduk gokʼkate hoṛko laha lahateko calao idiyena.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”