Mikạ 1:8 - সান্তালী বাইবেল

⁸ Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Mikạ 1:8 Iomraidhean Croise

2 Rapajko 18:13

Hiskiạ raje rajokʼ gelponakʼ bochorre Asurren raj Senakerib do Jihudạ reakʼ pạcrite esetʼ sanam nagrahakoe akromonketʼte onakoe hatkeda.

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

Jobakʼ 30:29

Iń do toyokoren boeha ar ũṭ cẽṛẽren gateń hoyakana.

Sereńko 102:6

Iń do hahaṅkar ren bon bayar lekań hoyakana, ar ujạṛakʼ oṛakʼren dundu lekageń hoyakana.

Jesaea 13:21

Menkhan bir janwarkoge onḍe doko mạnḍiạukʼa, onḍenakʼ oṛakʼ-duạrko do bir dundukote perejokʼa, ũṭ cẽṛẽko onḍeko tahena ar bir merom boda doko don baṛaea.

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Jesaea 16:9

Ona iạte iń do Jaser lekage Sibmạ reakʼ darkha nạ̃ṛĩ lạgitʼ iń rakʼeda. E Hesbon, E Eleale, aben do mẽtʼ dakʼteń jehe jobe bena. Ente abenakʼ jo ar irokʼ phosolrege lạṛhại reakʼ andoṛ do paṛao akana.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Jeheskel 32:18

“E manwa hopon, Misorren hoṛko lạgitʼ homor halaṅpe ar okoe Seolteko pheḍ calakʼkan onko sãote uni ar eṭakʼ daṛean jạtkoren hoṛko hõ dhạrti reakʼ khandṛaṅte kolkakome.

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

1 Samuel 19:24

Uni do acʼakʼ kicricʼe totʼketʼte Samuel samaṅre nạbi lekate Isorakʼ katha roroṛe ehopʼena. Uni do goṭa siń ar goṭa ńindạ kicricʼ chaḍageye tahẽyena. Ona iạte hoṛko mena, “Sạul hõ cetʼ enḍekhan nạbiko modren mitʼhoṛ kanae?”