Mikạ 1:7 - সান্তালী বাইবেল

⁷ Ar uniren sanam boṅgako doko rạputʼ gejer ocokʼa; uniren mundil-kusumbikoakʼ sanam rojgar do seṅgelte rapakʼ giḍikʼa; uniren sanam boṅga muṭhạnko doń marao giḍikoa. Uni do kusumbi reakʼ kuṛại lekate noakoe ńam akada onate onako do arhõ kusumbikʼ lạgitʼ laṛcaṛokʼa.”

Mikạ 1:7 Iomraidhean Croise

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

Jesaea 2:18

ar boṅga murtiko doko marao utạrokʼa.

Jesaea 23:17

Eaegel bochor paromlen khan Probhu Isor do Tur secʼe moneyakʼa. Unre uni do acʼakʼ bekʼpari kạmire ruạṛ senkate dhạrtiren sanam rapajko sãoteye bạnij bepara.

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jeheskel 6:6

Ar jãhãregepe girobasokʼ onḍenakʼ nagrahako do jarkharokʼtapea ar than boṭkocʼko do ujạṛokʼa; onate apeakʼ pinḍko do marao utạrokʼtapea, aperen boṅga murhutʼko doko rạputʼ gejer ocokʼa, apeakʼ dhudhup pinḍko do makʼ lạnduṛokʼa ar apeakʼ benaoakʼ sanamakʼ do maraokʼtapea,

Hosea 2:12

Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.

Hosea 2:14

“Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 8:5

E Samariạ, amren mĩhũ-boṅga doń nihạ̃t giḍi akadea. Ar onako upạrtege ińakʼ edre seṅgel do jolokʼkana. Bogekʼ lạgitʼ amren hoṛ do ar tinạkʼ din lagaoakoa?

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.

Joel 3:3

Onko do ińren hoṛko hạṭińko reakʼko gulibãṭleda ar kusumbi ńamko lạgitʼ Israelren hoponkoko ạkhrińletʼkoa; ar darkha rasa lạgitʼ hõ Israelren hoponerako ạkhrińletʼkoa jemon darkha rasako ńũ daṛeakʼ.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Dosar Biboron 23:18

Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Dosar Biboron 9:21

Apeakʼ ona kại reakʼ jinisko, metakʼme aperen benaoicʼ uni mĩhũ hataokate seṅgelreń khadlekadea. Ar ona tayom doń koṭecʼ gejerkedete dhuṛi lekań lopotʼ lopotʼkeda ar buru khon ạtu pheḍokʼkan dakʼreń giḍikada.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.

1 Samuel 5:4

Ona dosar hilokʼ hõ onko do ạḍi setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Uniyakʼ ti ar bohokʼ do rạputʼkate duạr ganaḍe cetanre ńur akana, ar hoṛmo do goṭage menakʼa.