Mikạ 1:6 - সান্তালী বাইবেল

⁶ Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Mikạ 1:6 Iomraidhean Croise

2 Samuel 17:13

Ar jãhã nagrahategeye bolokʼ enḍekhan abo sanam Israelko do baber bon idiya ar nagraha sudhạ tul rakapʼkate lodamre bon giḍikakʼa, ar one onḍe nagraha reakʼ mitʼṭecʼ dhiri hõ ńur akan baṅ tahena.”

2 Rapajko 18:10

Pe bochor gherao esetʼ tayom Hiskiạwakʼ rajokʼ turui bochorre ar Israelren raj Hoseawakʼ rajokʼ areakʼ bochorre Asurrenko do Samariạko hatkeda.

2 Rapajko 18:9

Hiskiạ rajakʼ rajokʼ ponakʼ bochorre, metakʼme Elaren hopon Israelren raj Hoseawakʼ rajokʼ eaeyakʼ bochorre Asurren raj Salmaneser do Samariạ upạrte lạṛhại lạgitʼe rakapʼ calaoente nagrahae gherao ạcurkeda.

2 Rapajko 19:25

Am do cetʼ bam ańjomakada, ḍher din laha khonge ona doń niṭakatʼ tahẽkana mente, ar ḍher din laharege ona reakʼ iń goṭa dohoakada? Ńitokʼ do onań hoyocokeda. Ar onatege pạcrite esetʼ nagrahako do dhiri puńjirem hoyocoakada.

Jesaea 17:1

Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Jesaea 25:12

Uni do Moabakʼ pạcri reakʼ usul gaṛkoe lạnduṛ giḍikakʼa; onako doe hasareye mesaoa, ar dhuṛi lekae hoeocoya.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jirimiạ 31:5

Samariạ burure am do arhõ darkha bagwanem benaojoṅa; ar okoe bagwanko benaojoṅ onko do ona reakʼ joko joma.

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Jeheskel 13:14

Nạbiko okaṭakʼ pạcri bhit do cunteko potao esetʼletʼ ona do rạputʼkate hasa sãoteń milạu gotʼkakʼa jemon ona reakʼ rehetʼ do oṭakʼge tahen. Ar ona rạputʼ ńurokʼ jokhecʼ onko hõ ona talareko marao utạrokʼa. Ar unreko baḍae daṛeakʼa, iń kangeạń Probhu Isor do.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭecʼ dhiri hõ eṭakʼ dhiri cetanre baṅ tahena, joto do rạputʼ giḍikʼa”