Mikạ 1:3 - সান্তালী বাইবেল

³ Ńelpe, Probhu Isor do acʼakʼ tahen ṭhạ̃i khone hijukʼkana; uni do pheḍ hecʼkate dhạrti reakʼ usul ṭhạ̃iko cetanreye lebedokʼa.

Mikạ 1:3 Iomraidhean Croise

Jobakʼ 40:12

Mitʼke mitʼ bạḍại hoṛ beṅgetʼ pheḍakome ar copotʼ ocokom; ar bedhoromko do akoakʼ ṭhạ̃irege lebetʼ gańjaokom.

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jeheskel 3:12

Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Habakkuk 3:19

Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Sakariạ 14:4

Enhilokʼ uni do hecʼkate Jerusalem purub secʼ reakʼ jạitun buru cetanreye teṅgona; onate jạitun buru do purub secʼ khon pạchim hạbicʼ paṛagokʼa ar adha do utạr secʼ ar adha do dạkhin secʼ ocogokʼte mitʼṭecʼ maraṅ buru nalage benaokʼa.

Dosar Biboron 32:13

“Uni do pirthimi reakʼ usul jaegareye decʼ sen ocokedea disạm reakʼ mitʼ buru khon eṭakʼ burute; ar ot baṛge reakʼ phosole jom ocokedea. Uni do dumur rasa hõe cepecʼadea buru khoṅkor khon ńamokʼakʼge, uni do cạṭạni dhiri khon jạitun sunum hõe emadea.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”