Mikạ 1:14 - সান্তালী বাইবেল

¹⁴ Ona iạte apege Moreseth-gath dope bidạyea. Israelren rapajko do Aksib nagraha cetanre ar bako ṭehãḍ daṛeakʼa.

Mikạ 1:14 Iomraidhean Croise

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

2 Rapajko 16:8

Ahas do Probhu Isorakʼ oṛakʼ ar raj oṛakʼ reakʼ khajańci khon sona ar rupại ạguketʼte sandes lekate Asurren raj ṭhene kolkeda.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jirimiạ 15:18

Cedakʼ ińakʼ haso do baṅ cabakʼkantińạ, cedakʼ ińakʼ ghao do baṅ besokʼkantińạ, cedakʼ ona do baṅ ocogokʼkana? Iń ṭhen do cetʼ eṛe ạtukʼkan dakʼ ar baṅ tahenkan jharna dakʼ lekagem hoyokʼa?