Mikạ 1:12 - সান্তালী বাইবেল

¹² Okoe Marothrepe girobasokʼ kan onko do rehay ńam lạgitʼko ahkaokʼkana, ente Probhu Isor ṭhen khon muhin do hecʼpaṛao akana; hẽ, ona do Jerusalem reakʼ phaṭok duạr hạbicʼ seṭer akana.

Mikạ 1:12 Iomraidhean Croise

Jobakʼ 30:26

Menkhan tinre bhạlạiyakʼ iń aslena unre do bạṛicʼakʼge seṭeradińạ; marsal reakʼ iń ńel horetʼ tahẽkana menkhan ńut hecʼạdińạ.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 8:15

Sulukokʼ lạgitʼ bon aslena menkhan jãhãn bhạlạige baṅ hoylen tabona; abo do bogekʼ lạgitʼ bon aslena menkhan heṛan botor seṭeratʼbona.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Rut reakʼ kạhini 1:20

Naomiye menkeda, “Iń do Naomi (metakʼme ‘landa’) do ar alope hohoạńạ, bickom Mara (metakʼme ‘haṛhatʼ’) hohoạńpe, ente sanam daṛean Isor do ińakʼ jiwiye haṛhatʼ akatʼtińạ.

1 Samuel 4:13

Uni do tinre Siloteye seṭerena unre Eli do hor aṛere acʼakʼ mạcireye duṛupʼ akan tahẽkana. Uni do andmandao monteye koyokʼ hor akatʼ tahẽkana, ente Isorakʼ sinduk lạgitʼ uniyakʼ koṛam do dhak dhakaokʼ kantae tahẽkana. Ar uni hoṛ do tinre nagrahate bolokate jotowakʼ katha hoṛkoe baḍae ocoketʼkoa unre onko talare rakʼjoṅ ar kạuạ rạuạ ańjomena.