Mikạ 1:1 - সান্তালী বাইবেল

¹ Jihudạren raj Jothom, Ahos ar Hiskiạwakʼ rajokʼ oktere Moresethren Mikạ ṭhen Samariạ ar Jerusalem reaṅ Probhu Isorakʼ katha do dorson hotete sodorlena.

Mikạ 1:1 Iomraidhean Croise

2 Rapajko 15:32

Remaliạren hopon Israelren raj Pekawakʼ rajokʼ dosar bochorre Jihudạren raj Usiạren hopon Jotham do rajokʼe ehopʼena.

2 Rapajko 15:5

Tayomte Probhu Isor do raje ghạlkede khan uni do jiwetʼ bhor murhucʼ jom rogteye jạbunena. Uni do mitʼṭecʼ begar oṛakʼreye girobasokʼkan tahẽkana. Ar rajren hopon Jotham do raj oṛakʼren mạlike hoyena ar disạm hoṛko ḍanṭaokoe ehopʼena.

2 Rapajko 16:1

Remaliạren hopon Pekawakʼ rajokʼ gel eaeyakʼ bochorre Jihudạren raj Jothamren hopon Ahas do rajokʼe ehopʼena.

2 Rapajko 18:1

Elaren hopon Israelren raj Hoseawakʼ rajokʼ tesar bochorre Jihudạren raj Ahasren hopon Hiskiạ do rajokʼe ehopʼena.

2 Bõsbudạ 28:1

Ahas do bargel bochor umer tahẽkantaere raje hoylena ar Jerusalemre gel turui bochor raje calaokeda. Uniren hapṛam Dạud cetʼ leka Probhu Isorakʼ mẽtʼre bhageakʼe kạmikan tahẽkan onka uni do bae kạmikan tahẽkana.

2 Bõsbudạ 29:1

Hiskiạ do bargel mõṛẽ bochor umerre raje hoylena ar Jerusalemre bargel are bochor raje calaokeda. Uniren eṅgatakʼ ńutum do Abi tahẽkana; uni do Sakariạren hoponerae tahẽkana.

Jesaea 1:1

Jihudi disạmren Usiạ raj, Jotham raj ar Hiskiạwakʼ rajokʼ oktere Amosren hopon Jesaea do Jihudạ ar Jerusalem reaṅ oka dorsone ńamletʼ ona reaṅge nonḍe do ol akana.

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jesaea 7:1

Usiạren goṛomtetʼ, metakʼme Jothamren hopon Ahas do tinre Jihudạ disạmren raje hoyena unre Aramren Rathsin raj do Israelren raj Ramayelren hopon Pekoho soṅgekate Jerusalem upạrte lạṛhại lạgitʼe rakapʼ hecʼena, menkhan unkin do bạkin jitạu daṛeada.

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Hosea 1:1

Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Amos 1:1

Tekoaren gukʼpiko modre Amos hõ mitʼhoṛe tahẽkana. Unre Jihudạren raj do Usiạ ar Israelren raj do Joasren hopon Jerobiame tahẽkana. Dhạrti laṛaokʼ bar bochor lahare Israel babotre Isor okae udukʼade tahẽkan onage Amos doe lại jạhirleda.

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Habakkuk 1:1

Isorakʼ katha do Habakuk nạbi ṭhen dorson hotete sodorlena.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.