Mathae 9:38 - সান্তালী বাইবেল

³⁸ Onate phosolren mạlik ṭhen nehõrokʼpe jemon uni do acʼakʼ phosol samṭao lạgitʼ hoṛe kolko.”

Santali Common Language New Testament

³⁸ Onate phosolren mạlik ṭhen nehõrokʼpe jemon uni do phosol samṭao lạgitʼ hoṛe kolko.”

Mathae 9:38 Iomraidhean Croise

Sereńko 68:11

Probhu Isor do hoṛkoe hukumatʼkoa; ar bhage sombat lại jạhir maejiuko doko ḍhergea.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Jirimiạ 3:15

Ar ona tayom do ińakʼ kusi leka gukʼpikoń emapea; onko do ạkil ar bud salakʼko calaopea.

Mikạ 5:7

Jạt jạtrenko talare Jakobren bańcao tahen hoṛ do Probhu Isor ṭhen khonakʼ sisir dakʼ leka, ar ghãs cetanre achaṛ dakʼ lekage one ona do hoṛ bae tạṅgiko, ar baṅ do manwa hoponkoe koyokʼ horko.

Mathae 9:37

Unre celakoe metatʼkoa, “Phosol do ḍhergea menkhan kạmiyạko doko thoṛagea.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Johan 4:35

Ape do cetʼ bape meneda, ‘ar pon cando khange phosol samṭao din do seṭerokʼa mente?’ Menkhan ińiń metapekana, mitʼ dhao khetko secʼ beṅgetʼakʼpe, phosol samṭao okte do hoyakana.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Aposkạmi 8:4

Ado okoe biswạsiko chirchạtur akan tahẽkan onko do beṛhaete senkate Mạsiyakʼ bhage sombat porcarko dhurạuena.

1 Korinthiko 12:28

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

2 Thessalonikiko 3:1

E boehako mucạtʼ katha do noage, ale lạgitʼ koepe cetʼleka Probhu Isorakʼ katha ape talare usạra pasnaolen onkage ona do pasnao idikʼte ṭhonokokʼtege tahena.