Mathae 8:4 - সান্তালী বাইবেল

⁴ Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom boge akana.”

Santali Common Language New Testament

⁴ Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom bogeakana.”

Mathae 8:4 Iomraidhean Croise

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Levitikus 13:49

ar ona jaegare thoṛa hạṛiạr se arakʼ macha ponḍge ńelokʼ enḍekhan bujhạu hoyokʼa ona do eṭakʼ lekan murhucʼ jom rog kana. Ar ona do naeke udukʼae hoyokʼa.

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Mathae 16:20

Ona tayom uni do celakoe sontorkatʼkoa jemon okoe hõ aloko lại baṛaye, acʼ doe Mạsi kanae mente.

Mathae 17:9

Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiyakoa.”

Mathae 3:15

Jisui menkeda, “Niạ dom do nonkage hoyocowakʼme, ente Isorakʼ sana do nonkage purạu lek talaṅa.” Adoe aṛakʼadea.

Mathae 5:17

“Noa do alope hudisa, Moseyakʼ ạn-ạri ar nạbikoakʼ olakʼko mạutại lạgitʼ iń hecʼakana mente. Iń do mạutại lạgitʼ do baṅ, bickom purạu lạgitʼgeń hecʼakana.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 9:30

Unre unkinakʼ mẽtʼ do beṅgetʼen tạkina. Ar Jisu do sontorketʼ kinteye metatʼkinạ,

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Mark 3:12

Menkhan uni doe sontoretʼko tahẽkana okoe hõ jemon aloko sodore acʼ doe okoe kana mente.

Mark 5:43

Jisu do noa ghoṭna okoe ṭhen hõ baṅ lại baṛae lạgitʼe sontorkatʼkoa; ar kuṛi do thoṛa jomakʼ emae lạgitʼe metatʼkoa.

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko upạrte goha hoyokʼ.”

Mark 7:36

Unre Jisu do noa reaṅ hoṛko lại baṛaeye manakatʼkoa. Menkhan tinạkʼe manaketʼko, unạkʼge onko do ona reaṅ artetʼ lại baṛaeko ehopʼena.

Mark 8:30

Unre Jisu do onkoe sontorkatʼkoa jemon acʼ reaṅ okoe ṭhen hõ aloko lại baṛae.

Mark 9:9

Ado buru khonko pheḍ hijukʼkan tahẽkanre Jisu do onkoe hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiyakoa.”

Luk 17:14

Jisu do murhucʼ jom rog hoṛ ńelketʼkoteye metatʼkoa, “Do senkate naekeko ṭhen udugokʼpe.” Ar calakʼ calakʼtege onko doko bogeyena.

Luk 21:13

onate iń reaṅ goha emokʼ reakʼ ạt hoyokʼtapea.

Luk 4:41

Unre ạḍi utạr hoṛko khon bạṛicʼ jiuko oḍok calaoena. Onko bạṛicʼ jiu do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Luk 5:14

Jisu do uniye hukumadea, “Noa katha do okoe ṭhen hõ alom lại baṛaea, bickom senkate naeke ṭhen ńel ocokʼme. Ar ona tayom saphakʼ babotre Mose okaṭakʼ dãṛẽ reakʼe hukumakatʼ ona baṛe samaṅ me. Enḍekhan hoṛko ṭhenem sạbudokʼa am dom boge akana.”

Luk 8:56

Ar kuṛiren eṅgat-apat dokin ṭhak utạrena, menkhan Jisu doe baron katʼkinạ, jemon noa ghoṭna okoe ṭhen hõ alokin lại baṛae.

Luk 9:21

Unre Jisu doe sontorkatʼkoa are hukumatʼkoa, okoe ṭhen hõ jemon noa katha aloko lại baṛae.

Johan 5:41

“Manwakoakʼ sabasi ńam lạgitʼ do bạń kurumuṭuyeda,

Johan 7:18

Okoe nij khon kathae roṛ uni do acʼakʼ sabasigeye ńam baṛaea, menkhan okoe kolakadiyicʼ reakʼ sabasiye ńam baṛayetʼkan uni doe sạrigea ar unire jãhãn eṛeakʼ do bạnukʼanaṅ.

Johan 8:50

Iń do apnarakʼ sabasi ńam lạgitʼ do bạń kurumuṭu kana, menkhan mitʼ goṭen menaea one uni do manote emạńkan, ar uni kangea bikʼcạricʼ do.