Mathae 8:3 - সান্তালী বাইবেল

³ Jisu do ti tiạrkate joṭetʼkedeteye metadea, “Sanań kangea, ma saphakokʼme.” Ar unrege murhucʼ jom rog do bogeyentaea.

Santali Common Language New Testament

³ Jisu do ti tiạrkate joṭetʼkedeteye metadea, “Sanań kangea, ma saphakokʼ me.” Ar unrege murhucʼ jom rog do bogeyentaea.

Mathae 8:3 Iomraidhean Croise

Genesis 1:3

Isore menkeda, “Marsal hoyokʼma.” Ado marsal hoyena. Uni do onae ńelkeda ar ạḍi mońjge hoyakana. Uni do ńut khon marsale begarketʼte ona reakʼ ńutum do siń ar ńut reakʼ ńutum do ńindại dohokeda. Nonkate setakʼena ar ạyupʼena ar ona do pạhil din hoyena.

2 Rapajko 5:11

Menkhan Naman do ạḍiye raṅgaoente onḍe khone calaoena are menkeda, “Iń doń hudisleda khạṭige uni do iń ṭhene oḍokʼ hijukʼa ar teṅgokate acʼren Probhu Isore hohoaea ar murhucʼ jom rog cetanre acʼakʼ tiye dohoytaea ar ińakʼ roge bogeytińạ.

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Exodus 4:7

Unre Probhu Isore menkeda, “Amakʼ ti do arhõ onḍege doho ruạṛme.” Mose do arhõe onkakeda. Menkhan tinre tiye oḍokketʼtaea unre uniyakʼ ti do hoṛmo reakʼ eṭakʼ hạṭińko leka mońjge hoyena.

Mathae 12:13

Ona tayom uni hoṛe metadea, “Amakʼ ti tiyạrtam.” Ado tiye tiyạrketʼ khan dosarakʼ lekage hoyentaea.

Mark 1:41

Jisu do uni hoṛre mãyã hecʼadea. Onate ti tiạrkate joṭetʼkedeteye metadea, “Iń hõ onkageń khojogokʼ kana, ma saphakokʼme.”

Mark 4:39

Jisu doe beretʼena ar birbãoe dhomkaoketʼte doreãoe metatʼa, “Thirokʼme ar hapekʼme,” Onate hoe do thirgotʼena ar jotowakʼ ḍel ḍel nijhumena.

Mark 5:41

Unre kuṛiyakʼ umer do gelbar bochor tahẽkana. Ar Jisu do ti sapʼkedeteye menkeda; “Talitha kum.” Metakʼme “E mạ̃i metam kạnạń ma beretʼme.”

Mark 7:34

Ona tayom serma secʼ beṅgetʼ rakapʼkate kũhrạuateye menkeda, “Ephata” mane do “Jhijokʼme.”

Mark 9:25

Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tishõ unire alom bolo ruạṛokʼa.”

Luk 4:27

Elisa nạbi oktere Israel disạmre aema murhucʼ jom rog hoṛko tahẽkana, menkhan onko do okoehõ bako boge ocolena, Eken Siriạ disạmren Naman motogeye boge ocoyena.”

Luk 5:13

Jisu do ti tiyạrkate joṭetʼkedeteye metadea, “Iń hõ onageń menetʼkana, ma saphakokʼme,” Ar unrege uni doe boge utạrena.

Luk 7:14

Inạ tayom uni do sen sorkate parkome joṭetʼkeda. Ar onate mạ̃ṛĩ gokʼ idiyetkan hoṛ doko teṅgoyena. Jisui menkeda, “E bạbu, metam kạnạń, ma beretʼme.”

Johan 11:43

Noa kathae menketʼ khan Jisu do ãṭ aṛaṅteye hohokeda, “E Lasar, oḍok hijukʼme.”

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoykokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Johan 5:21

Baba do cetʼleka gocʼko jiwi emkateye beretʼetʼko onkage Hopon hõ jãhãerege sanayede unigeye jiwetʼ edekana.