Mathae 8:16 - সান্তালী বাইবেল

¹⁶ Ạyupʼen khan ạḍi utạr bhut capaṛ hoṛ do uni ṭhenko ạguketʼkoa. Ar moca kathatege uni do bhutkoe oḍok giḍiketʼkoa ar okoeko ruạkʼkan tahẽkan onko hõe bogeketʼkoa.

Santali Common Language New Testament

¹⁶ Ạyupʼen khan ạḍi utạr bhut capaṛ hoṛ do uni ṭhenko ạguketʼkoa. Ar moca kathatege uni do bhutkoe oḍok giḍiketʼkoa ar okoeko ruạkʼkan tahẽkan onko hõe bogeketʼkoa.

Mathae 8:16 Iomraidhean Croise

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Mathae 12:22

Inạ tayom bhut capaṛ akawade mitʼṭen hoṛ do Jisu ṭhenko ạgukedea. Uni do guṅgạ ar kãṛãgeye tahẽkana. Ar Jisu do uniye bogekedea.

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onko jotokoe bogeketʼkoa.

Mathae 8:15

Jisu do uniyakʼ tiye joṭetʼketʼtaea ar inạtege ruạ do chuṭạu gotʼentaea. Ar unre beretʼkate uni do Jisui sapʼsoradea.

Mathae 8:33

Ar okoekoko gupikan tahẽkan onko do atoteko ńir senente jotowakʼko lạikeda. Ḍherkaete onko do bhut capaṛ akatʼkin hoṛ reaṅko lạikeda.

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Mark 2:3

Ona jokhecʼ mitʼṭen mitʼkaṛ gocʼ rog hoṛ do pon hoṛte gokʼkate uni ṭhenko ạgukedea.

Mark 5:8

Noa iạteye menkeda ente Jisu do uniye metade tahẽkana, “Bạṛicʼ jiu, nui hoṛ khon oḍok calakʼme.”

Mark 9:25

Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tishõ unire alom bolo ruạṛokʼa.”

Luk 13:12

Jisu do uniye ńelkedea ar acʼ ṭhen hoho sorkateye metadea, “E go, amakʼ ruạ khon dom bogeyena.”

Luk 4:40

Ado bere hạsurokʼkan tahẽkanre aema lekan rugiko Jisu ṭhenko ạguketʼkoa. Onko do ạḍi lekan rogteko jạbun akan tahẽkana. Ar Jisu do onko sanamko capokateye bogeketʼkoa.

Luk 4:41

Unre ạḍi utạr hoṛko khon bạṛicʼ jiuko oḍok calaoena. Onko bạṛicʼ jiu do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Aposkạmi 5:15

Ado apostolko okako cekayetʼkan tahẽkan ona ńelte hoṛko do parkom ar cạukikote rugiko ạguketʼkoa ar hor horteko dohoketʼkoa, jemon Patrase parom calakʼ jokhecʼ uniyakʼ umul do onkore paṛaokʼ.