Mathae 7:7 - সান্তালী বাইবেল

⁷ “Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Santali Common Language New Testament

⁷ “Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Mathae 7:7 Iomraidhean Croise

Genesis 26:32

Ar enhilokʼge Isahakren gutiko do hecʼkate akoko la akatʼ mitʼṭecʼ kuń reakʼko baḍae ocokedea, “Ale do dakʼle ńam akada.”

1 Rapajko 3:5

Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Sereńko 119:12

E Probhu Isor, am dom bhạgangea. Amakʼ ạnko cetʼạńme baṛe.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Sereńko 37:4

Probhu Isor iạte hulạsokʼme; amakʼ mon reakʼ sana do unigeye purạutama.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 69:32

Ona ńelte mạ̃hir hoṛ doko kusikʼa; ar okoe do Isor baḍaeye reakʼpe ahkaokʼ kan, ape do jiwetʼ tahenpe.

Sereńko 70:4

Menkhan okoe amakʼ sana lekako calakʼ onko do amrege kusi arko rạskạkʼma; ar okoe amakʼ bańcaoko dulạṛetʼ onko do jaogeko menma, “Isorakʼ sarhao hoyokʼtae ma!”

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Soros sereń 3:2

Ińiń hudiskeda, iń do beretʼkate nagrahare, kulhire ar racakoreń dãṛãbaṛaea; iń do onḍe ińren dulạṛiạtińiń sendrayea; uniń sendra ledegea menkhan bạń ńamledea.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Amos 5:4

Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.

Mathae 18:19

“Arhõń metapekana, apeko modre bar hoṛ dhạrtire jãhãnakʼ reaṅ mitʼ montekin koe enḍekhan sermare menae Baba secʼ khon hoyokʼ getakinạ,

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼkạnicʼ do jhicʼaea.

Mark 11:24

Onateń metapekana, jãhãnakʼgepe koe arpe khoj, pạtiạukʼpe ape do onape ńam akada, ar ape lạgitʼ ona do hoyokʼgea.

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Romiko lạgitʼ Pạul Apostolakʼ ciṭhi 3:11

okoe hõ sạriyakʼ reakʼ akelte do bako calakʼkana. Ar okoe hõ Isorakʼ sana leka bako kạmikana.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Jakob 5:15

Ar pạtiạuteakʼ koejoṅ do uni ruạkʼkan hoṛe bogeyea; Probhu Isorge uni doe bogeyea. Ar uniye kại akatʼ khan Isor do uniye ikạyea.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.