Mathae 7:22 - সান্তালী বাইবেল

²² Enhilokʼ do ạḍi hoṛko mitạńa, ‘E Probhu Isor, E Probhu Isor, ale do cetʼ am ńutumte bale nạbileda? Am ńutumte cetʼ bạṛicʼ jiuko bale oḍok giḍiletʼkoa? Am ńutumte cetʼ hahaṛa kạmiko bale kạmileda?’

Santali Common Language New Testament

²² Enhilokʼ do ạḍi hoṛko mitạńa, ‘E Probhu, E Probhu, ale do cetʼ am ńutumte bale nạbileda? Am ńutumte cetʼ bạṛicʼ jiuko bale oḍok giḍiletʼkoa? Am ńutumte cetʼ hahaṛa kạmiko bale kạmileda?’

Mathae 7:22 Iomraidhean Croise

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Numeri 24:4

Okoe hoṛ Isorakʼ kathae ańjometʼkan ar sanam daṛeanicʼ reakʼ dorsone ńeletʼkan, ar okoe do otreye ombakʼ hape akan ar okoe do mẽtʼ jhicʼ akantae,

Numeri 31:8

Onko do Midiạnrenko sãote eṭakʼ mõṛẽ goṭen raj hõko gocʼketʼkoa. Onkoakʼ ńutum do hoyokʼ kana, Ebi, Rekom, Sur, Hur ar Reba. Israelko do Beorren hopon Biliam hõ tarwaṛeteko gocʼkedea.

Mathae 10:15

Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

Mathae 24:36

“Menkhan okoe hõ ona din ar ona okte reakʼ do bako baḍaea, sermaren goḍetko hõ baṅ, Hopon hõ baṅ, eken Babageye baḍaea.

Mathae 25:11

“Tayomte onko lilhi kuṛiko do hecʼkateko menkeda, E Probhu, E Probhu, ‘duạr baṛe jhicʼaleme.’

Mathae 7:21

“Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Luk 10:12

Ińiń metapekana, bicạr dinre ona ato reakʼ khon Sodom nagraha reakʼge boroṅ ḍher sahaokʼa.

Johan 11:51

Kaeapha do noa katha apnar khone roṛleda ona do baṅ menkhan uni do ona bochorren maraṅ naekeye tahẽkana. Onate uni doe nạbileda, Jihudi jạtrenko lạgitʼ Jisugeye gujukʼa mente.

1 Thessalonikikko 5:4

Menkhan E boehako, ape do ńutre bạnukʼpea, onate ona din do kombṛo leka hecʼ paṛao apea. Ape sanamkoge marsal ar sińren hoṛ kanape. Ńindạ se ńutren hoṛ do bon baṅkana.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

2Timothi 1:18

Ephesusre okalekae sapʼ dapʼetʼ tahẽkan, ona do bes okocʼtem baḍaegea. Probhu Isore danae ma, jemon Mạsiyakʼ hijukʼ dinre Probhu Isor ṭhen khon mãyãe ńam.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.