Mathae 7:2 - সান্তালী বাইবেল

² ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Santali Common Language New Testament

² ente cetʼleka eṭakʼkoakʼ doskope saba onkage apeakʼ dos hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Mathae 7:2 Iomraidhean Croise

2 Samuel 21:5

Onko do rajko roṛ ruạṛadea, “Okoe hoṛ aleye jarkhar akatʼle ar Israelkoakʼ simạna tala khon marao giḍi utạrle lạgitʼte bạṛicʼakʼe phundi akatʼ,

Sereńko 109:17

Onko do sarap emokʼko kusiyakʼa, Onate ona ạsis do ako cetanrege paṛaoena; ar bhorako lạgitʼ do mońj bako ạikạua, onate bhor do onko khon sạṅgińte calaoena.

Exodus 21:24

mẽtʼ hala hạli mẽtʼ, ḍaṭa hala hạli ḍaṭa, ti hala hạli ti, jaṅga hala hạli jaṅga;

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Obodiạ 1:15

“Sanam jạtrenko lạgitʼ Probhu Isorakʼ din do sor hecʼakana. Am cetʼkom ceka akatʼ onkage amre hõ hoyokʼa; amakʼ kạmi reakʼ jo do amakʼ bohokʼ cetanrege ruạṛ hijukʼa.

Mathae 6:14

Ape do eṭakʼkoakʼ doskope ikạletako khan enḍekhan aperen sermaren Baba hõ apeakʼe ikạitapea.

Mark 4:24

Ona tayom Jisui metatʼkoa, “Okaṭakʼpe ańjometʼkan ona reaṅ luturakʼpe. Oka sosoṅakʼtepe soṅa, inạtege ape hõko soṅapea; arko em juṭucʼapea.

Luk 6:38

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

2 Korinthiko 9:6

Noa baḍaekakʼpe, okoe korocʼ moṭocʼkateye er, uni do korocʼ moṭocʼkatege ir hõe ira ar okoe ḍhere er uni do ḍhergeye ira.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Bikʼcạrko 5:27

Uniyakʼ jaṅga ṭhen Sisera doe bhindạṛena ar onḍege uni doe bhindạṛ tahẽyena; ar uniyakʼ jaṅga ṭhen okareye bhindạṛen onḍege uni doe gocʼena.

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.