Mathae 7:12 - সান্তালী বাইবেল

¹² Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Santali Common Language New Testament

¹² Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseakʼ ạn-ạri ar nạbikoakʼ cecetʼakʼ reakʼ katha do.

Mathae 7:12 Iomraidhean Croise

Jeheskel 18:21

Menkhan mitʼṭen dusṭạmi hoṛ do acʼakʼ sanam kại khon ruạṛkate ińakʼ ạn-ạrikoe palonte hok ar dhorom reakʼe kạmi enḍekhan khạṭige uni doe bańcaokʼa, ar bae gujukʼa.

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Mathae 5:17

“Noa do alope hudisa, Moseyakʼ ạn-ạri ar nạbikoakʼ olakʼko mạutại lạgitʼ iń hecʼakana mente. Iń do mạutại lạgitʼ do baṅ, bickom purạu lạgitʼgeń hecʼakana.

Luk 6:31

Hoṛko ṭhen khon cetʼleka beoharpe khojkan, onkage ape hõ onko tulucʼ beoharpe.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.