Mathae 6:11 - সান্তালী বাইবেল

¹¹ Aleakʼ jạruṛ jomakʼ de teheń emalem.

Santali Common Language New Testament

¹¹ Aleakʼ jạruṛ jomakʼ de teheń emalem.

Mathae 6:11 Iomraidhean Croise

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Kạhtukko 30:8

Phạsiạra ar eṛe katha do iń khon pharakme, reṅgecʼ hõ alom hoeocoyińa ar acel pacel dhon hõ alom imạńa jạruṛokʼ bhor baṛe jom ocoyińme.

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Mathae 4:4

Jisui roṛ ruạṛkeda, “Sonot sostorre ol menakʼa, eken piṭhạ motote manwa do jiwetʼ bako tahena, menkhan Isorakʼ moca khon oḍokokʼ kan mitʼke mitʼ kathatege jiwetʼko tahena.”

Luk 11:3

aleakʼ din hilokʼ reakʼ jạruṛ jomakʼ dinạmge emaleme baṛe;

2 Thessalonikiko 3:12

Aboren Probhu Jisu Mạsi iạte nonkan hoṛkole hukumako kana arle sikhạuetʼko kana, jemon onko do nindhạn monte kạmikate akoakʼ jomakʼ apnarteko jogaṛ joṅ.

1Timothi 6:8

Onate jomakʼ ar horokʼ bandeakʼ tahen khan abo do dhirpur akae bon tahenma.

Rut reakʼ kạhini 1:6

Naomi do Moab disạmre tahẽkanregeye ańjomkeda, Probhu Isor do acʼren hoṛkoe disạ akatʼkoa ar jomakʼ reakʼe bebosta akatʼkoa. Onate uni do acʼren banar kimintetʼ soṅgekate Moab disạm khon ruạṛ hijukʼ lạgitʼe sapṛaoena.