Mathae 6:10 - সান্তালী বাইবেল

¹⁰ Amakʼ raj hijukʼ ma. Amakʼ sana leka hoyokʼ ma, cetʼ leka sermare, onkage otre hõ.

Santali Common Language New Testament

¹⁰ Amakʼ raj hijukʼ ma. Amakʼ sana leka hoyokʼ ma, cetʼ leka sermare, onkage otre hõ.

Mathae 6:10 Iomraidhean Croise

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Mathae 3:2

“Mon ạcurtape, ente serma raj do sorakana.”

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Mathae 7:21

“Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Mark 11:10

Bhorangea aboren baba Dạudakʼ darakan raj do. Coṭ utạrre Hosanna!”

Mark 3:35

Okoe Isorakʼ sana lekako senokʼkan onkoge ińren, boeha, misera ar eṅgạń kanako.”

Luk 19:11

Jisu okareye tahẽkan onḍe khon Jerusalem do ḍher sạṅgiń baṅ tahẽkana, ar okoe uniyakʼ kathako ańjometʼkan tahekan onko doko hudisetʼkan tahẽkana Isorakʼ raj do ne nahakʼ sodorokʼ kana. Onate Jisu do cetʼako lạgitʼ noae lạiyatʼkoa:

Luk 19:38

“Bhorangeae Probhu Isor ńutumte daraekanicʼ raj do; sermare suluk ar coṭ utạrkore ṭhonok.”

Luk 22:42

“E Baba, amem moneyakʼkan khan, noa duk reakʼ bạṭi do iń khon pharakme baṛe. Enhõ ińakʼ monejoṅ leka do baṅ, menkhan amakʼ sana lekage hoyokʼma.”

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

Aposkạmi 21:14

Ado bae rebenlente ale dole thir hapeyena ar tayomtele menkeda, “Probhu Isorakʼ sana lekage baṛe hoyokʼma.”

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniyakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniyakʼ katham ańjomtae.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte bataokate aperen kisạ̃ṛko ṭhen tabekʼpe.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

1 Thessalonikikko 5:18

jotowakʼre Isor gun manao joharaepe; ente Jisu Mạsi hotete ape lạgitʼ Isorakʼ monejoṅakʼ do nonka kangea.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

Ibriko 10:7

Tayomte ińiń menkeda, ‘nõkʼõe, iń hecʼakana; sostorre ińakʼ hijukʼ reaṅ olakana. E Isor, iń do amakʼ sana purạutam lạgitʼgeń hecʼakana.’ ”

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 12:10

Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoyakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.