Mathae 5:37 - সান্তালী বাইবেল

³⁷ Apeakʼ katha do, ‘Hẽ khan hẽ,’ ar ‘Baṅ khan baṅ hoyokʼma,’ ar noa khon bạ̃ṛtiyakʼ okaṭakʼkan, ona do Soetan ṭhen khonge hijukʼa.

Santali Common Language New Testament

³⁷ Ape do, ‘Hẽ khan hẽ,’ ar ‘Baṅ khan baṅpe,’ Ar noa khon bạ̃ṛtiakʼ okaṭakʼkan, ona do Soetan ṭhen khonge hijukʼa.

Mathae 5:37 Iomraidhean Croise

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 13:38

Goḍa do dhạrti kana ar bhage itạ do serma rajren hoṛ kanako. Ar Soetanren hoṛ doko sama ghãs kana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mathae 5:36

Amakʼ bohokʼte hõ alo, ente ona reakʼ mitʼṭen upʼ hõ bam ponḍ oco daṛeakʼa se bam hende daṛeakʼa.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Johan 17:15

Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Ephesiko lạgitʼ Pạul Apostolakʼ ciṭhi 6:16

Ona chaḍa pạtiạu reakʼ ḍhal hõ sapʼ joṅpe; ona ḍhalte Soetanakʼ joto lekan seṅgel sarkope ĩṛĩcʼ daṛeakʼa.

Kolossiko lạgitʼ Pạul Apostolakʼ ciṭhi 3:9

Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

2 Thessalonikiko 3:3

Menkhan Probhu Isor doe pạtiạrgea; unige ape doe kajak ocopea ar Soetanakʼ ti khone rukhiyạpea.

Jakob 5:12

E ińren boehako, iń do asokaete noa kathań metapekana, ape do serma, ar ot se eṭakʼ jãhãnakʼ ńutumte alope kiriạkʼa. Ona khon bickom, “Hẽ khan hẽ, ar baṅ khan baṅ,” hoyokʼtape ma, jemon bicạrre dayi alope hoyokʼ.

1 Johan 2:13

E babako, ape do pạhil khonge okoe menae unipe baḍae akadeteń olapekana. E juạnko, Soetanpe bhagao akade iạteń olape kana.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Johan 5:18

Baḍaea bon, Isor khon janamicʼ do kạire bae tahena. Ar okoe Isor khone janam akan unige uni doe rukhiyạyea, ar Soetan do bae joṭetʼ daṛeaea.