Mathae 5:12 - সান্তালী বাইবেল

¹² Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Santali Common Language New Testament

¹² Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Mathae 5:12 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

2 Rapajko 1:9

Inạ tayom raj do mitʼṭen subedar ar uniren mõṛẽgel lạṛhại phạdko Eliạ ṭhene kolkatʼkoa. Unre Eliạ do mitʼṭecʼ burureye duṛupʼ akan tahẽkana. Ar uni subedar do Eliạ ṭhen rakapʼ senkateye menkeda, “E Isorren hoṛ, raj do pheḍ hijukʼe metamkana.”

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Sereńko 58:11

Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”

Kạhtukko 11:18

Bedhoromkoakʼ rojgarakʼ do ạuṛiyakʼgetakoa, menkhan Isore botoraekan hoṛ okoe do itạye er uni do sạrige ona reakʼ phosole ira.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

Jirimiạ 37:14

Jirimiại menkeda, “Noa do eṛe katha kana, iń do Kạldiko secʼ do bạnuńa. Menkhan Iria do uniyakʼ katha bae ańjomletʼte Jirimiại sapʼkedea ar rajkạmiyạko samaṅreye idikedea.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 6:16

“Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Luk 6:23

Unre ape do rạskạkʼpe ar hulạsokʼpe, ente ape lạgitʼ sermare maraṅ kuṛại menakʼa. Ente onkoren hapṛam hõ nạbikoko onkaletʼkoa.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Romiko lạgitʼ Pạul Apostolakʼ ciṭhi 5:3

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoeocoya,

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe em ocoakana.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Kolossiko lạgitʼ Pạul Apostolakʼ ciṭhi 3:24

entepe baḍaegea, Probhu Isor do acʼren hoṛko lạgitʼ okae dohoakatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼkan uni doe Probhu Jisu kana.

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Jakob 5:10

E boehako, okoe nạbiko Probhu Isor secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”