Mathae 5:11 - সান্তালী বাইবেল

¹¹ “Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

Santali Common Language New Testament

¹¹ “Bhạgangeape iń iạte hoṛko opoman arko santao lepere ar ạuṛiakʼte sanam lekan bạṛicʼakʼ reaṅko roṛlepere.

Mathae 5:11 Iomraidhean Croise

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

Sereńko 44:22

Menkhan enhõ am lạgitʼge jao ghuṛi aleren jãhãe baṅ jãhãeko gocʼ ocokʼkana, ar hoṛko do gur ocokʼ bhiḍiko lekageko hudisetʼlea.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jirimiạ 37:14

Jirimiại menkeda, “Noa do eṛe katha kana, iń do Kạldiko secʼ do bạnuńa. Menkhan Iria do uniyakʼ katha bae ańjomletʼte Jirimiại sapʼkedea ar rajkạmiyạko samaṅreye idikedea.

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Mathae 10:39

Okoe acʼakʼ jiwi bańcaotae reakʼe monejoṅ uni do sạriyakʼ reakʼ jione adtaea. Menkhan okoe iń lạgitʼ acʼakʼ jiwiye adtae uni do sạriyakʼ reakʼ jione rukhiyạitaea.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

Mathae 27:39

Ar ona horte parom calakʼkanko do bohokʼ ruku rukute Jisu siṛogadeteko metadea,

Mark 13:13

Iń iạte sanamkogeko hirkhạwapea, menkhan mucạtʼ hạbicʼ okoeye ṭarhao tahen uni do bańcaoe ńama.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Mark 4:17

menkhan onkore mońjte rehetʼ baṅ bạisạukʼkante eken thoṛa din lạgitʼko ṭarhao tahenkana. Ente ona katha khạtirte tinre santao ar khedreko paṛaokʼkana unre onko doko pạcokʼkana.

Mark 8:35

Okoe acʼ lạgitʼ jiwetʼ tahene menjoṅkan uni do jiwiye khuạutaea; menkhan okoe iń ar Isorakʼ bhage sombat iạte acʼakʼ jiwiye khuạutae, uni do onae rukhiyạitaea.

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Luk 21:17

Iń iạte joto hoṛko hirkhạwapea,

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Luk 9:24

Jãhãege acʼ lạgitʼ bańcao tahene menetʼ khan uni do acʼakʼ jiwiye khuạutaea; menkhan okoe iń lạgitʼ acʼakʼ jiwiye khuạutae, uni do onae bańcaotaea.

Johan 15:21

Onko do iń iạteko onkapea, ente iń okoeye kol akadiń uni do bako baḍaeyede kana.

Johan 9:28

Onate mukhiyạko do ruhạtʼkedeteko metadea, “Am kanam uni hoṛren cela do, menkhan ale do Moseren cela kanale.”

Aposkạmi 9:16

Ar iń iạte tinạkʼ duk jojom hoyokʼtaea onań udukʼaea.”

Romiko lạgitʼ Pạul Apostolakʼ ciṭhi 8:36

Sonot sostorre olakana, am iạte jaogele gocʼ ocokʼkana: ar gur ocokʼ bhiḍiko lekageko hudisetʼlea.

1 Korinthiko 4:10

Ale do Mạsi iạte lelhale hoyakana, menkhan ape do Mạsirepe mitʼakante budankope hoyakana. Ale do nijorkoge menkhan ape do joranko. Ape do sabasiankope hoyakana ar ale do bemanotkoge.

2 Korinthiko 4:11

Ale jiwetʼle tahenkanko do siń sạṭupʼ Jisu khạtirte moron ṭhenle soprot ocokʼkana, jemon Jisuakʼ jion hõ aleakʼ gujukʼ hoṛmore sodorokʼ.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe em ocoakana.

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

Johan sodor 2:3

Amakʼ do sobori menakʼtamgea ar iń lạgitʼ hõ ạḍi kosṭom sahao akada, ar bam laṅga akana.