Mathae 4:4 - সান্তালী বাইবেল

⁴ Jisui roṛ ruạṛkeda, “Sonot sostorre ol menakʼa, eken piṭhạ motote manwa do jiwetʼ bako tahena, menkhan Isorakʼ moca khon oḍokokʼ kan mitʼke mitʼ kathatege jiwetʼko tahena.”

Santali Common Language New Testament

⁴ Jisui roṛ ruạṛkeda, “Sonot sostorre ol menakʼa, eken piṭhạ motote manwa do jiwetʼ bako tahena, menkhan Isorakʼ moca khon oḍokokʼkan mitʼke mitʼ kathatege jiwetʼko tahena.”

Mathae 4:4 Iomraidhean Croise

Exodus 16:15

Ona ńelte Israelko do ako akoreko mepenena, “Onako do cetʼ kana?” Ar cetʼkana mente ona do bako baḍae daṛeada. Unre Mose do onkoe metatʼkoa, “Noa do ona piṭhạ kana oka do Probhu Isor jom lạgitʼe emakatʼpe.

Exodus 16:35

Hoṛko girobas akan nonkan mitʼṭecʼ jaegare, metakʼme Kanan disạm reakʼ simạnate ạuriko hijukʼ hạbicʼ Israelko do pongel bochor hạbicʼ ona Mannako jomkeda.

Exodus 16:8

Mose do arhõe menkeda, “Ạyupʼ jokhecʼ Probhu Isor do tinre jele emapea ar setakʼre piṭhạ unrepe bujhạu daṛeakʼa, Probhu Isorge Misor disạm khone oḍok ạguakatʼpea. Uni upạrte tinạkʼ kathape roṛakatʼ uni do jotogeye ańjom akada. Ar ạliń doliń celekana? Noako katha do ạliń upạrte do baṅ, menkhan Probhu Isor upạrtegepe roṛakada.”

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Mathae 15:11

Moca secʼte oka bolokʼkan onate manwa do bae bhõnḍokʼa, menkhan moca khon oka oḍokokʼkan onatege manwa doe bhõnḍokʼ kana.”

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Mathae 4:7

Jisu do Soetane metadea, “Arhõ noa katha ol akana, amren Probhu Isor do alom biḍạuea.”

Mark 7:20

Jisu do arhõe metatʼkoa, “Manwa bhitri khon okaṭakʼ oḍok hijukʼkan onatege manwa doe bhonḍ ocokʼ kana,

Luk 4:12

Jisu do uniye metadea, “Sonot sostorre roṛ akana, ‘amren Probhu Isor do alom biḍạuea.’ ”

Luk 4:4

Jisu do uniye roṛ ruạṛadea, “Sonot sostorre ol akana, ‘piṭhạ motote manwa do jiwetʼ bako tahena.’ ”

Luk 4:8

Jisu do uniye roṛ ruạṛadea, “Sonot sostorre ol menakʼa, ‘am do amren Isorem ḍobokʼaea, ar eken uni eskargem dewa sewawaea.’ ”

Johan 15:26

“Okoe sohotʼicʼ Baba ṭhen khoniń kolape, uniye hecʼlenre unige iń reaṅ gohae ema. Uni doe hoyokʼ kana sạriyakʼren Jiu one okoe do Baba ṭhen khone hijukʼkan.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Ephesiko lạgitʼ Pạul Apostolakʼ ciṭhi 6:17

Ar bańcaokʼ lạgitʼ bohokʼ reakʼ aḍokʼakʼ hatao joṅpe ar sonot Jiu reakʼ tarwaṛege, metakʼme Isorakʼ katha ataṅ joṅpe.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.