Mathae 4:23 - সান্তালী বাইবেল

²³ Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Santali Common Language New Testament

²³ Jisu do Gạlil Prodesh reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mathae 4:23 Iomraidhean Croise

Sereńko 103:3

Amakʼ sanam kại uni doe ikạitama; uni do amakʼ sanam rog bighinkoe bogeytama.

Sereńko 74:8

Onko do mone moneteko menkeda, “Onko do bon sumạrkoa.” Isor saõte helmelokʼ reakʼ sanam jaegako onko doko atar giḍi akada.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 12:9

Inạ tayom Jisu do ona jaega bạgikate onko Phạrusikoakʼ sunạgogteye boloyena.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 13:54

Ar inạ tayom do acʼakʼ atote senkate sunạgogre cetʼakoe ehopʼena. Ar uniyakʼ katha ańjomkate hoṛko do hahaṛayenteko menkeda, “Noa akel ar hahaṛa kạmiko reakʼ daṛe do oka khone ńamakada?

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onko jotokoe bogeketʼkoa.

Mathae 24:14

Sanam jạtko ṭhen goha emokʼ lạgitʼ serma raj reakʼ bhage sombat do goṭa dhạrtire porcarokʼa ar ona tayom do mucạtʼ hoyokʼa.

Mathae 3:2

“Mon ạcurtape, ente serma raj do sorakana.”

Mathae 9:35

Jisu do nagraha nagraha ar ato ato senkate sunạgogkore cetʼako ar serma raj reakʼ bhage sombat porcarakoe ehopʼena. Ona chaḍa sanam lekan ruạ hasokoe bogeyetʼtako tahẽkana.

Mark 1:14

Johan hajotreye bhorao ocoyen khan Jisu do Gạlil Prodesteye calaoena. Ar nonka menkate Isorakʼ bhage sombat porcare ehopʼena,

Mark 1:21

Jisu ar acʼren celako do Kapharnạhum nagrahateko calaoena. Ar jirạukʼ mãhãre uni do sunạgogre bolokate cetʼakoe ehopʼena.

Mark 3:10

Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Mark 6:2

ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniyakʼ katha ańjomkate hahaṛayente memenko ehopʼena, “Nui do oka khon noakoe ńam akada? Ar noa akele em ocoakan, noa baṅ cetʼkan? Ar uni do hahaṛa kạmiko hõe kạmikana.

Mark 6:6

Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Luk 10:9

Ar ona atoren ruạkʼ hasokʼkan hoṛko bogekope ar lạiyakope, ‘Isorakʼ raj do ape ṭhen sorakana.’

Luk 13:10

Ado mitʼ jirạukʼ mãhãre Jisu do mitʼṭecʼ sunạgogreye cetʼakokan tahẽkana.

Luk 16:16

“Moseyakʼ ạn ar nạbikoakʼ olakʼ do Johan hạbicʼge. Ona tayom khon Isorakʼ raj reakʼ bhage sombat do porcarokʼ kana ar sanamkoge ona rajre jormoṭko bolokʼ kana.

Luk 20:1

Mitʼ din Jisu do mundilre hoṛkoe cetʼakokan are porcarako kan tahẽkana.

Luk 4:14

Jisu do sonot Jiu reakʼ daṛeteye perecʼen khan Gạlil Prodesteye ruạṛ calaoena. Ar uniyakʼ sombat do ona ṭoṭha reakʼ goṭa ṭạnḍire pasnao idiyena.

Luk 5:17

Mitʼ din Jisu do hoṛkoe cetʼakokan tahẽkanre Phạrusiko ar sostor baḍaeko hõ onḍeko duṛupʼ akan tahẽkana. Noko do Gạlil ar Jihudạ reakʼ atoko ar Jerusalem nagraha khonko hecʼakan tahẽkana. Ar rugiko bogeko reakʼ Probhu Isorakʼ daṛe do Jisure tahẽkana.

Luk 6:17

Ado acʼren celako sãote buru khon pheḍkate mitʼṭecʼ soman jaegareye teṅgoyena. Onḍe do acʼren ạḍi utạr celakoko jarwa akan tahẽkana. Ona chaḍa Jihudiạ, Jerusalem, Tur ar Sidonko metakʼ doreão aṛeteakʼ nagrahako khon ạḍi utạr hoṛ do onḍeko hecʼakan tahẽkana.

Luk 6:6

Ado eṭakʼ ar mitʼ jirạukʼ mãhãre Jisu do sunạgogre bolokateye cetʼakokan tahẽkana. Onḍe do nonkan mitʼṭen hoṛe tahẽkana, one uni do jojom ti borocʼge tahẽkantae.

Luk 7:21

Unre Jisu do ruạ hasote jạbun akanko ar bạṛicʼ jiu sapʼakatʼko hoṛkoe bogeketʼkoa ar kãṛã hoṛko hõ ńeńel daṛeye danatʼkoa.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

Luk 8:1

Inạ tayom Jisu do ato ato ar nagraha nagrahate dãṛãkate Isorakʼ raj reakʼ bhage sombat porcarakoe ehopʼena. Ar uni soṅgete acʼren gelbar celako ar thoṛa maejiuko hõko tahẽkana. Noko maejiu do ruạ haso ar bạṛicʼ jiuko khonko boge ocoakan tahẽkana. Noko doko hoyokʼ kana, Mạriạm, okoe do Magdalaniko metaekan ar nui khonge eae goṭen bạṛicʼ jiu doko oḍoklena;

Luk 9:11

Menkhan gadel hoṛ do ona khoborko baḍaeketʼ khan Jisuko pańjakedea. Uni do onko hoṛkoe ataṅketʼkote Isorakʼ raj reakʼe lạiyatʼkoa. Ona chaḍa okoekoakʼ boge ocokʼ reakʼ jạruṛ tahẽkan onkoe bogeketʼkoa.

Luk 9:60

Jisu do uniye metadea, “Gocʼkoge akoren gocʼko topa ocowakome, menkhan am do hijukʼte Isorakʼ raj lại pasnaome.”

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akawatʼkoa. Ar danaṅre do cetʼge bạń roṛakada;

Johan 6:59

Kapharnạhum reakʼ sunạgogreye cetʼako kan tahẽkanre Jisu do noa kathae roṛleda.

Johan 7:1

Noa tayom Jisu do Gạlilregeye dãṛãnkan tahẽkana. Ar Jihudi mukhiyạko gojeko menetʼ tahẽkante uni do Jihudạ disạmre dãṛãne bạgikeda.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.

Aposkạmi 20:25

“Iń do ńitokʼ noa kathań baḍaea je, ape okoeko ṭhen senkate Isorakʼ rajosṭi reakʼ iń porcar akatʼ onko okoege iń do ar bako ńeleńa.

Aposkạmi 28:31

Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”