Mathae 4:10 - সান্তালী বাইবেল

¹⁰ Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Santali Common Language New Testament

¹⁰ Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Mathae 4:10 Iomraidhean Croise

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

Jobakʼ 1:12

Unre Probhu Isor do Soetane metadea, “Bhagegea, uniyakʼ okako menakʼ ona do amakʼ tireń jimạkeda, menkhan uniyakʼ hoṛmo cetanre mitʼṭecʼ kạṭupʼ hõ alom calaoa.” Unre Soetan do Probhu Isor samaṅ khone oḍok calaoena.

Jobakʼ 1:6

Mitʼdin sermaren goḍet do Probhu Isor samaṅreye senena ar Soetan hõ uni sãoteye hạjirena.

Jobakʼ 2:1

Mitʼdin serma goḍetko do Probhu Isor samaṅreko hạjirena, ar Soetan hõ uni samaṅre hạjirokʼ lạgitʼ serma goḍetkoe ạguketʼkoa.

Sereńko 109:6

Onko upạrte am do bedhorom bikʼcạrko bahalkom; ar okoe onkoko dusiko onko do onkoakʼ jojomsa aṛereko teṅgokʼma.

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Mark 1:13

Ar pongel din hạbicʼ Soetan do Jisu laloce udukʼadea ar kạire ńurhạye lạgitʼe kurumuṭukeda. Onḍe do aema bir janwarko tahẽkana, ar serma goḍetko hõ uniko sapʼsorae kan tahẽkana.

Luk 10:18

Jisui metatʼkoa, “Soetan do serma khon bijli leka ńurokʼkaniń ńel akadea.

Luk 11:18

Soetan hõ acʼ upạrteye teṅgon khan, enḍekhan rajosṭi do cekate ṭikạu tahentaea? Apepe meneda Beelsebul hotete bhutkoń oḍok giḍiyetʼkoa.

Luk 13:16

Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”

Luk 22:3

Unre okoe Jihudạ Iskạriotko metaekan tahẽkan unire do Soetane boloyena. Nui do Jisuren gelbar celako modren mitʼ hoṛe tahẽkana.

Luk 22:31

E Simon, E Simon, ńelpe, Soetan do guhum leka calape lạgitʼe khojakada.

Luk 4:8

Jisu do uniye roṛ ruạṛadea, “Sonot sostorre ol menakʼa, ‘am do amren Isorem ḍobokʼaea, ar eken uni eskargem dewa sewawaea.’ ”

Johan 13:27

Piṭhạ kecakʼe ńamketʼ khan Soetan do Jihudạreye boloyena. Jisu do uniye metadea, “Okaṭakʼ cekayem menetʼkan ma usạraeme.”

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din begarre tahẽ hataṛokʼpe; ona tayom do ar hõ mitʼ ruạṛokʼpe jemon apeakʼ bin sambṛaokʼ iạte Soetan aloe biḍạupe.

2 Korinthiko 11:14

Noa iạte hahaṛakʼ reakʼ do cetʼge bạnukʼa, ente Soetan hõ marsalre do serma goḍet lekae udugokʼ lạgitʼ apnartetʼe bodolokʼ kana.

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Jakob 4:7

Onate Isorakʼ gobolre tahenpe. Ar Soetan teṅgo daramepe, enḍekhan uni do ape ṭhen khone ńir pharakokʼa.

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

1 Patras 5:9

Pạtiạure jamaṛ akae tahente Soetan teṅgo daramepe, entepe baḍaegea, goṭa dhạrtire aperen biswạsi boehako do inạ mitʼlekan duk sasetgeko jomeda.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”