Mathae 3:12 - সান্তালী বাইবেল

¹² Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Santali Common Language New Testament

¹² Uniakʼ haṭakʼ do tirege menakʼtaea ar khạrại do mońjteye saphaetaea. Ar phosol do golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Mathae 3:12 Iomraidhean Croise

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 35:5

Onko do hoete peṭecʼ lekako oṭaṅokʼma; Hẽ, Probhu Isorren goḍet do onkoe lagako ma.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 27:4

Ona upạrte ińakʼ edre do bạnukʼtińạ. Aha, jạnum ar rạṅgạini upạrte lạṛhại tahentiń khan! Onako upạrte jhãpiń emkea ar seṅgelreń atar giḍikea.

Jesaea 28:28

Okoehõ ḍher din hạbicʼ guhum do bako manḍaea, onate ona do bạṛijokʼa; manḍae jokhecʼ ona cetante pạ̃ihạ̃ se sadom nonkako calao koa jemon ona alo nosṭokʼ.

Jesaea 30:24

Aperen cacas ḍaṅgrako ar gadhako do buluṅ akawatʼ danako joma one oka do haṭakʼ supticʼteko tear akatʼ.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jirimiạ 15:7

Disạm reakʼ phaṭok duạrkore amren hoṛ do haṭakʼteń gumkoa. Ińren hoṛko cetanre hoponkoakʼ gujukʼ reakʼ homor halaṅ iń paṛao ocoya ar onko doń marao utạrkoa, ente onko do akoakʼ hor khon bako ruạṛ akana.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 4:11

Unre Probhu Isor do onko hoṛ ar Jerusalemren koe metatʼkoa, “Hahaṅkar reakʼ ceḍe ḍuṅgriko khon lolo hoe do ińren hoṛko secʼ hijukʼkana, menkhan phosol oṭaṅ saphae lạgitʼ do baṅkana;

Jirimiạ 51:2

Ar Babel do ekʼwer lạgitʼ ar uniyakʼ disạm jarkharokʼ lạgitʼ uni ṭhen bidisiạkoń kolkoa; onko do muhin hilokʼ beṛhae secʼ khon uni upạrteko teṅgona.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Mathae 13:30

Phosol belekʼ hạbicʼ mitʼ dhaote hara ocoakʼpe. Unre samṭao jokhecʼ phosol samṭaokoń metakoa, pạhilre sama ghãs jarwa maṛaṅpe ar ạṭikate begarpe seṅgelre atar giḍi lạgitʼ, menkhan guhum do ińakʼ golare ạgu jarwaepe.’ ”

Mathae 13:41

Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Mathae 13:42

Onḍe do rakʼjoṅ ar togocʼ ḍaṭa hoyokʼa.

Mathae 13:43

Unre dhorom hoṛ do akoren sermaren Babawakʼ rajre siń cando lekako jhak jhakaokʼa. Ańjom lạgitʼ lutur menakʼtaeicʼ hoṛ doe ańjomma.

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.