Mathae 28:5 - সান্তালী বাইবেল

⁵ Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Santali Common Language New Testament

⁵ Serma goḍet do maejiue metatʼkinạ, “Aloben botorokʼa, ente ińiń baḍaea, aben do krus ocolen Jisu ben ńam baṛayede kana.

Mathae 28:5 Iomraidhean Croise

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Mathae 28:10

Jisui metatʼkinạ, “Aloben botorokʼa; aben do calaokate ińren boehako Gạlilte senokʼ metakoben. Onko do onḍegeko ńeleńa.”

Mathae 28:4

Uni botorte pahradarko do thar tharaokʼko ehopʼena arko gocʼ hoṛ baragena.

Mark 16:6

Uni juạn hoṛe metatʼkoa, “Alope tharbasaokʼa. Ape do Nasaretren Jisu, okoe doko kuruslede, unipe sendra baṛayede kana? Nonḍe do bạnugicʼan, uni doe jiwetʼ beretʼ akana. Ar nõkʼõe ńelpe ona jaega, one okareko doholede.

Luk 1:30

Serma goḍet do uniye metadea, “Mạriạm, alom botorokʼa, ente Isor do ạḍiye daya akatʼmea.

Luk 24:5

Onate maejiuko do botorteko ombakʼena. Unkin dokin metatʼkoa, “Jiwetʼicʼ do gocʼko talare cedakʼpe ńam baṛayede kana?

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.