Mathae 28:19 - সান্তালী বাইবেল

¹⁹ Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Santali Common Language New Testament

¹⁹ Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

Mathae 28:19 Iomraidhean Croise

Genesis 1:26

Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Mathae 13:52

Unre Jisui metatʼkoa, “Serma raj reaṅko cetʼ akawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nãwãnakʼ ar mareakʼkoe oḍokketʼ.”

Mathae 25:32

Ar sanam jạtren hoṛko do uni samaṅreko jarwa ocokʼa. Cetʼleka gupiyicʼ do bhiḍi ar meromkoe begarko onkage uni do sanam hoṛe begarkoa.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 14:21

Ado Derbere bhage sombat porcarkate Pạul ar Barnabas do ạḍi utạrkin celaketʼkoa. Ona tayom Lustra, Ikonium ar Pisidiạ Prodes reakʼ Antiokiạte ruạṛ senkate onḍenko celakoakʼ biswạskin kajakketʼte onkokin daṛe ocoketʼkoa ar pạtiạure ṭarhao tahen lạgitʼkin udgạuketʼkoa. Unkinkin menkeda, “Isorakʼ rajte bolokʼ lạgitʼ ạḍi utạr duk jojom hoyokʼ tabona.”

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Aposkạmi 9:18

Unre Sạulakʼ mẽtʼ khon cuiạ̃kʼ leka phạnṭil ńurena ar ńeńele ehopʼena.

Romiko lạgitʼ Pạul Apostolakʼ ciṭhi 10:18

Menkhan ińiń mena, Israelko do cetʼ ona katha bako ańjom ńamleda? Khạṭigeko ańjom akada. Sonot sostore meneda, Onkoakʼ aṛaṅ do goṭa dhạrtire ḍamḍahe akana, ar kathako hõ pasnao akana dhạrti reakʼ mucạtʼ hạbicʼge.

1 Korinthiko 15:29

Menkhan gocʼko iạte okoeko bạptisokʼkan, onkoakʼ do cetʼ hoyokʼtakoa? Ente gocʼko bako jiwetʼ beretʼ ocokʼkan khan onko do cedakʼ gocʼko iạteko bạptisokʼ kana?

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

Galathiko lạgitʼ Pạul Apostolakʼ ciṭhi 3:27

Ente tinạkʼ hoṛ Mạsirepe bạptis akan, ape do kicricʼ leka Mạsipe horokʼ akawana.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.