Mathae 26:29 - সান্তালী বাইবেল

²⁹ Ińiń metapekana, ińren Babawakʼ rajosṭire ape tulucʼ nãwãnakʼ darkha rasa ạuriń ńũi hạbicʼ ńit khon noa do ar bạń ńũiya.”

Santali Common Language New Testament

²⁹ Ińiń metapekana, ińren Babawakʼ rajosṭire ape tulucʼ nawanakʼ darkha rasa ạuriń ńũi hạbicʼ ńit khon noa do ar bạń ńũiya.”

Mathae 26:29 Iomraidhean Croise

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Sereńko 4:7

Ḍher phosol ar nãwã darkha rasa rakapʼlenre cetʼ leka hoṛkoko rạskạkʼ, ona khon ḍher rạskạte am do ińakʼ ontorem perecʼ akada.

Sereńko 40:3

Uni do ińakʼ mocare nãwã sereńe emadińạ, aboren Isorakʼ sarhaoakʼ sereńge. Ḍher hoṛkoakʼ mẽtʼrege ona do paṛaokʼa ar monre botor hecʼakoa; onko do Probhu Isorreko bhorsakʼa.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Mathae 13:43

Unre dhorom hoṛ do akoren sermaren Babawakʼ rajre siń cando lekako jhak jhakaokʼa. Ańjom lạgitʼ lutur menakʼtaeicʼ hoṛ doe ańjomma.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Mathae 26:30

Ado mitʼṭecʼ sarhao sereńate onko doko oḍokente Jạitun buruteko rakapʼena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mark 14:25

Sạrigeń metapekana, Isorakʼ rajre darkha rasa nãwãte ạuriń ńũi hạbicʼ noa do ar bạń ńũiya.”

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Johan 15:11

Noako kathań menkeda jemon ińakʼ rạskạ do apeakʼ ontorre tahen ar apeakʼ rạskạ purạukʼtape.

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Johan 17:13

“Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”