Mathae 24:48 - সান্তালী বাইবেল

⁴⁸ Menkhan, uni bạṛicʼ sordar do acʼakʼ monreye menle khan, ‘ińren kisạ̃ṛ do hijukʼe bilomeda.’

Santali Common Language New Testament

⁴⁸ Menkhan, uni bạṛicʼ golam do acʼakʼ monreye menle khan, ‘ińren kisạ̃ṛ do hijukʼe bilomeda.’

Mathae 24:48 Iomraidhean Croise

2 Rapajko 5:26

Menkhan Elisae do uniye metadea, “Uni hoṛ do tinre am sãote ńapamokʼ lạgitʼ rãt gạḍi khone pheḍena unre ińakʼ mon do cetʼ am sãote baṅ senlentińạ? Ṭaka-poesa, kicricʼ khạnḍwạkʼ, jạitun bagwan, darkha bagwan, mĩhũ-meromko, bhiḍiko ar guti kạ̃ṛmĩko hataoko reakʼ okte do cetʼ ńitokʼ kangea?

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Jesaea 32:6

ente bebujicʼ do bebuj kathageye roṛa ar uniyakʼ mon do dusṭạmiyakʼe ponthaya. Uni do hirkhạwakʼkoe kạmiya ar Probhu Isor reaṅ henosta kathakoe roṛa. Uni doe nonkaea jemon reṅgecʼ edekanicʼ hoṛ do jomakʼ aloe ńam ar tetaṅ edekanicʼ hõ dakʼ aloe ńam.

Jeheskel 12:22

“E Manwa hopon, Israel disạmre noa do cetʼ lekan katha kana, ‘din do parom calakʼ kana ar mimitʼ dorsonko do ạuṛiyakʼ hoyokʼ kana?’

Jeheskel 12:27

“E manwa hopon, Israelkoko meneda, am okaṭakʼ dorsonem ńelakatʼ ona do ńitʼ khon ḍher bochor tayom reakʼ katha kana, ar okaṭakʼ nạbi katham roṛetʼ ona do tayom daramakʼko reaṅ kana.

Mathae 18:32

Unre kisạ̃ṛ do uni guti hoho ạgu ocokedeteye metadea, ‘Eya bạṛicʼ guti! Amem nehõrạdiń tahẽkante amakʼ sanam dharaoakʼ iń ikạletʼtama.

Mathae 24:47

Sạrigeń metapekana, unige acʼakʼ menakʼtaeakʼ sanamakʼko cetanreye dohoyea.

Mathae 24:49

Ar acʼ sãoten gutiko dadale ehob, ar bulokʼko tulucʼe jom ńũi;

Mathae 25:26

Khange acʼren kisạ̃ṛ doe roṛ ruạṛadea, ‘E bạṛicʼ ar asaṅpoḍa golam! Baḍaekan tahẽkange com okare bạń er akatʼ onḍe khoniń ireda ar okare bạń chiṭiạu akatʼ onḍe khoniń halaṅeda.

Mark 7:21

ente manwa bhitri khon, metakʼme ontor khonge joto lekan bạṛicʼ hudis, laṭghaṭ, kombṛo, khũn,

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.

Luk 19:22

“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda.

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Dosar Biboron 9:4

“Aperen Probhu Isor do ape samaṅ khon onkoe laga ńirko tayom aperen okoehõ jemon mone monte aloko menma, ‘iń doń bindusạngete Probhu Isor do noa disạm ạidạri lạgitʼ nonḍeye ạguakadińạ.’ Ona do sạriyakʼ do baṅkana; noko jạtren hoṛkoakʼ dusṭạmi iạtege Probhu Isor do ape samaṅ khone laga ńirko lạgidokʼ kana.