Mathae 24:44 - সান্তালী বাইবেল

⁴⁴ Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Santali Common Language New Testament

⁴⁴ Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Mathae 24:44 Iomraidhean Croise

Mathae 24:27

Cetʼleka bijli do purub khon oḍokokʼte pạchim hạbicʼ malkao calakʼ, onkage Manwa Hopon reakʼ seṭerokʼ hõ hoyokʼa.

Mathae 24:42

“Onate ape do jagwar akae tahenpe, ente bape baḍae hilokʼge aperen Probhu Isor doe hijukʼa.

Mathae 24:43

Menkhan noa baḍaekakʼpe, oṛakʼ kisạ̃ṛe baḍaele khan oka pohor kombṛoe hijukʼa, enḍekhan uni do ebhengeye tahẽkokʼa, ar acʼakʼ oṛakʼ do ohogeye bhugạkʼ ocolea.

Mathae 25:10

Ado onko lilhi kuṛi sunum kirińko sen akan tahẽkanrege Jãwãe beṭa doe hecʼena. Ar unre sapṛao akan tahẽkan kuṛiko do Jãwãe beṭa sãote bapla oṛakʼteko boloyena. Ar sanamkoko boloyen khan silpiń do sińena.

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Luk 12:39

Oṛakʼ kisạ̃ṛe baḍae khan oka ghuṛi kombṛoe hijukʼa, enḍekhan uni do jagware tahẽkokʼa ar oṛakʼre kombṛo ohoe bolo ocolea.

Luk 12:40

Onkage ape hõ sapṛao akae tahenpe, ente bape hudisakatʼ ghuṛirege Manwa Hopon doe hijukʼa.”

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Philipiko lạgitʼ Pạul apostolakʼ ciṭhi 4:5

Apeakʼ mạ̃hirtetʼ do sanamko ṭhen baḍaeyokʼma. Probhu Isor do usạrageye daraekana.

Jakob 5:9

E boehako, Isor jemon apeakʼ dosko aloe sabtape onate ape apere dos alope ladejoṅa. Ńelpe, bicạricʼ do duạr sorregeye hecʼakana.

Johan sodor 19:7

Ar dela, kusite bon rạskạkʼma ar uni bon sarhaoea, ente Bheḍa Hoponakʼ baplakʼ reakʼ ghuṛi do seṭerena ar uniren bạhu doe sapṛao akana.