Mathae 24:21 - সান্তালী বাইবেল

²¹ Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoyakan ar tisge baṅ hoyokʼa.

Santali Common Language New Testament

²¹ Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoeakan ar tisge baṅ hoyokʼa.

Mathae 24:21 Iomraidhean Croise

Jeheskel 5:9

Amren hirkhạwan sanam boṅgako iạte am cetanre okań cekae ona do tishõ bạń onka akada ar tishõ bạń onkaea.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Joel 1:2

E murubbiko, ape do noa katha ańjompe; E disạmre girobasokʼ kan hoṛko, apehõ ańjompe. Ape se aperen hapṛamkoakʼ oktere nonkan ghoṭna do cetʼ jãhãtis hoylena?

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Mathae 24:20

Koejoṅpe jemon rabaṅ din se jirạukʼ mãhãre dạdạṛ alo hoyokʼtape.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Johan sodor 16:18

Unre bijli malkaokʼ lagaoena, ạḍi botor saḍe ar huḍurko hoyena, ar ạḍi ãṭ dhạrti laṛaoena, one dhạrtire manwa sirjạu tayom ar tisge baṅ hoyakan. Ar ona dhạrti laṛao do ạḍi botorge tahẽkana.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.