Mathae 23:35 - সান্তালী বাইবেল

³⁵ Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Santali Common Language New Testament

³⁵ Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyipe hoyokʼa.

Mathae 23:35 Iomraidhean Croise

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Jesaea 14:21

Onkoren hapṛamkoakʼ kại iạte onkoren hoponko gocʼko lạgitʼ mitʼṭecʼ jaega ṭhik dohoyme. Onko do disạm ạidạri lạgitʼ bako beretʼa; ar prithimi do akoakʼ nagrahakote bako pereja.”

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jirimiạ 26:23

Onko do Misor khon Uriạko hoho ạgukedete Jehoyakim raj ṭhenko idikedea; ar raj do tarwaṛete uniye gocʼkedea ar hoṛkoakʼ topa ṭhen uniyakʼ mạ̃ṛĩye giḍikatʼtaea.

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

Sakariạ 1:1

Darjawese rajokʼ dosarakʼ bochor reakʼ irạlakʼ candore Probhu Isorakʼ katha do Sakariạ nạbi ṭhen sodorena. Sakariạ do Berekiạren hopone tahẽkana ar Berekiạ do Idoren hopone tahẽkana.

Numeri 35:33

Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Luk 11:51

Hẽ, sạrigeń metapekana, Habel reakʼ mãyãm khon ehopʼkate Sakariạ hạbicʼ, one okoe do pinḍ ar sonot jaegareye gocʼ ocolen uni Sakariạ khũn hạbicʼ sanamkoakʼ mãyãm reakʼ dạyi do niạ piṛhiren hoṛgeko hoyokʼa.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Johan sodor 18:24

Nạbiko, Isorren hoṛko ar okoeko hoṛ do noa dhạrtireko gocʼ ocolen onkoakʼ mãyãm do noa Babelrege ńamakana.”