Mathae 23:13 - সান্তালী বাইবেল

¹³ “Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Santali Common Language New Testament

¹³ “Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼetʼ kana. Onare ape hõ bape bolokʼkana ar okoe bolokʼko kurumuṭukan onko hõ bape bolo ocoakokana.

Mathae 23:13 Iomraidhean Croise

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Sakariạ 11:17

“Hae, uni lelha gupiyicʼ do, one okoe do palrenko bạgikateye calakʼ kan! Tarwaṛe do uniyakʼ ti ar jojomsa reakʼ mẽtʼgeye ghạltaea. Onate uniyakʼ ti do borojokʼtaea ar uniyakʼ jojomsa reakʼ mẽtʼ do kãṛãkʼtaea.”

Mathae 23:16

“Hae ape do! Apepe kãṛãgere hõ eṭakʼko horpe udukʼako kana. Arpe menetʼkana, jãhãe mundil ńutumteye kiriạlen khan cetʼ hõ baṅ hoyokʼtaea, menkhan mundil reakʼ sona ńutumteye kiriạlen khan uni do dạyike hoyokʼa.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Mathae 23:25

“Hae, ape sostor baḍaeko, Phạrusiko ar phạsiạrako do! Ape do thạri bạṭi reakʼ bahretetʼgepe saphayeda, menkhan bhitritetʼ do luluṭ ar bin sambṛaoakʼte perecʼgea.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼge.

Mathae 23:29

“Hae, ape sostor baḍaeko, Phạrusiko ar phạsiạrako do! Ape do nạbikoakʼ topako nãwãtepe tol aroyeda ar dhorom hoṛkoakʼ topakope sajaoeda.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Luk 11:52

“Hae ape sostor baḍaeko do! Ape do akel reakʼ choṛanpe iditora akada. Ape hõ bape bolokʼkana ar bhitrite bolokʼko hõ bape bolo ocoako kana.”

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoyicʼ hõ Jisure pạtiạukʼ khon ruạṛe lạgitʼe kurumuṭukeda.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

2Timothi 4:15

Am hõ uni khon sontorakae tahenme, ente uni do aleakʼ kathako ạḍiye tạkicʼ darametʼ tahẽkana.