Mathae 22:31 - সান্তালী বাইবেল

³¹ Gocʼkoko jiwetʼ beredokʼ reaṅ Isor okae menakatʼ, ona do cetʼ sostorre bape paṛhao akada?

Santali Common Language New Testament

³¹ Gocʼkoko jiwetʼ beredokʼ reaṅ Isor okae menakatʼ, ona do cetʼ sostorre bape paṛhao akada?

Mathae 22:31 Iomraidhean Croise

Mathae 12:3

Jisui metatʼkoa, “Dạud ar uniren soṅgetenko tinre reṅgecʼletʼkoa unre onko cetʼko cekaleda mente ona do cetʼ bape paṛhao akada? Uni ma Isorakʼ oṛakʼre bolokate samaṅ akatʼ reakʼ piṭhạ coṅe jomletʼ.

Mathae 12:7

‘Iń do mãyãgeń kusiyakʼ kana, dãṛẽ do baṅ’ sostor reakʼ noa kathape baḍaele khan begor dusi hoṛ do ohope dusilekoa.

Mathae 21:16

Ar noako ńelteko ạṛisente onko do Jisuko metadea, “Onkoko menetʼkan ona do cetʼem ańjometʼgea?” Jisui metatʼkoa, “Hẽ, ańjometʼ kangeạń. Menkhan Sostorre cetʼ tishõ bape paṛhao akada: Bale gidrạko ar toa nunuko reakʼ moca khon, am do apnar lạgitʼ sarhaoem tear sạbitana?”

Mathae 21:42

Jisui metatʼkoa, “Sonot sostorre tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena; noa do Probhu Isor khonge hoyena, ar aboakʼ mẽtʼ samaṅre do hahaṛawakʼge?’

Mathae 22:30

Gocʼkoko jiwetʼ beredokʼ tayom do bạhu hõ bako bạhu joṅa ar jãwãe hõ bako jãwãeyokʼa; onko do sermaren goḍet lekako hoyokʼa.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”