Mathae 22:17 - সান্তালী বাইবেল

¹⁷ Ado mase lạiyaleme, Moseyakʼ ạn lekate Romren maharaj do cetʼ khajna emae ganokʼgea se baṅa? Am do cetʼem menkea?”

Santali Common Language New Testament

¹⁷ Ado mase lạialeme, Moseakʼ ạn lekate Romren maharaj do cetʼ khajna emae ganokʼgea? Am do cetʼem menkea?”

Mathae 22:17 Iomraidhean Croise

Esra 4:13

Maharaj do arhõ baḍae jạruṛaea je, ona nagraha ar bhitko benao dohṛakʼ enḍekhan onko hoṛ do khajna, bheja, se mạsul do ar bako emokʼa. Ar onate rajakʼ do lokshan hoyokʼtaea.

Esra 7:24

Ale do arhõle metape kana je, Isorakʼ oṛakʼren jãhãe naekeko, Liwiko, gaenahako, rurukhiyạko, sapʼsosor kạmiko se eṭakʼ jãhãe kạmiyạko cetanre jãhãn khajna se bheja ladeako reakʼ ektiạri do okoeyakʼge bạnukʼtapea.

Nehemiạ 5:4

Arhõ eṭakʼkoko menetʼ tahẽkana, “Rajakʼ khajna emokʼ lạgitʼ jaega jumi ar darkha bagwan bondhok dohokate ṭaka hatao lagaoale kana.

Nehemiạ 9:37

Aleakʼ kại iạte okoeko raj do ale cetanre rajosṭim calao ocoyetʼko onko ṭhenge disạm reakʼ ḍher phosol do calakʼ kana. Onko do akoakʼ kusi leka aleakʼ hoṛmo cetanre ar aleren ạsul janwarko cetanre ạidạriko calaoeda. Ale do ạḍi duk ar kosṭore menakʼlea.”

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Mathae 17:25

Patras do onkoe metatʼkoa, “Hẽ, emetʼgeae.” Inạ tayom Patras oṛakʼteye boloyen khan Jisu do roṛ daramkedeteye metadea, “E Simon, am do cetʼem hudiskea? Noa dhạrtiren rapajko do okoe ṭhen khon khajnako uṭhạueda? Nij disạmren hoṛko ṭhen khon, se bidesiạ hoṛko ṭhen khon?”

Mathae 22:18

Jisu do onkoakʼ monsubại baḍaeketʼ khane metatʼkoa, “E phạsiạrako, cedakʼpe biḍạuediń kana?

Luk 2:1

Ona jokhecʼ maharaj Agustus Kạisạr do acʼakʼ rajosṭiren sanam hoṛko ńutum ol ocoytako lạgitʼe hukumkeda.

Luk 20:22

Ado Moseyakʼ ạn lekate Romren maharaj do cetʼ khajna emae ganokʼgea?”

Luk 3:1

Romren moharaj Tiberius Kạisạre rajokʼkan gel mõṛẽakʼ bochorre Pontus Pilạt do Jihudạren disạm cakʼlaoyicʼe tahẽkana. Unre Herod do Gạlilre ar uniren boeha Philip do Jituriạ ar Trakhonitis disạme calaoetʼ tahẽkana. Ar Lusanius do Abileneren disạm cakʼlaoyicʼe tahẽkana,

Aposkạmi 17:7

ar Jason do acʼakʼ oṛakʼre jaegae emakatʼkoa. Ar onko do sanamkoge Kạisạrakʼ hukum birudko kạmikana, arko meneda, uni chaḍa Jisu ńutumanicʼ ar mitʼṭen raj menaea.”

Aposkạmi 25:8

Unre Pạul doe roṛ dokʼenteye menkeda, “Iń do Jihudikoakʼ ạn-ạri se mundil se Rom maharaj upạrte jãhãnakʼ cetʼge bạń behok akada.”

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ upạrte kathako roṛeda.”

Aposkạmi 5:37

Ona tayom hoṛ lekhako jokhecʼ Gạlilren Jihudạ hõ hecʼkate hoṛko acʼ secʼe ạcurketʼkoa. Ar uni hõe gocʼena, ar uniren sãotenko hõ sanamko chirchạturena.