Mathae 21:5 - সান্তালী বাইবেল

⁵ “Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Santali Common Language New Testament

⁵ “Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Mathae 21:5 Iomraidhean Croise

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

2 Samuel 16:2

Raj do Sibae kulikedea, “Noako do okoe lạgitʼem ạguakada?” Sibae roṛ ruạṛkeda, “Gadhakin do raj gharońjrenko dejokʼ lạgitʼ, piṭhạ ar jo do hoṛko jom ocoko lạgitʼ ar darkha rasa do onko lạgitʼge okoe do hahaṅkarreko loraokʼ.”

1 Rapajko 1:33

Dạud do onkoe metatʼkoa, “Ape do ińren rurukhiyạ dolko soṅgekope ar ińren hopon Solomon do ińren khaccarre dejepe ar Gihon tapol otette idiyepe.

1 Rapajko 10:26

Solomon do ạḍi utạr rãt gạḍiko ar sadomkoe jogaṛketʼkoa. Uniyakʼ rãt gạḍiko do mitʼ hajar ponsae ar sadomkoakʼ lekha do gelbar hajar tahẽkana. Uni do onako rãt gạḍiko dohoy lạgitʼ nagrahako ar Jerusalemre acʼ ṭhene dohoyetʼko tahẽkana.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jeheskel 34:24

Iń Probhu Isorge onkoren Isoriń hoyokʼa ar ińren guti Dạud do onkoren mukhiyại hoyokʼa. Iń Probhuge noa katha doń meneda.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Numeri 24:19

Jakobakʼ bõs khon mitʼṭen raje rakapʼ hijukʼa, ar nagrahare sarecʼ akan Edomrenko uni doe marao utạrkoa.’ ”

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Mathae 2:2

“Jihudikoren janam akan raj do okare menaea? Ale do uniren ipil purubrele ńelakadea ar uni sewawae lạgitʼle hecʼakana.”

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Mathae 21:6

Ado Jisu cetʼlekae hukumatʼkin tahẽkan onkage unkin do senkatekin kạmikeda.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Bikʼcạrko 12:14

Uniren do pongel hopon ar pegel goṛomtetʼ koṛako tahẽkana. Onko do eaegel gadhakoreko decʼ baṛaekan tahẽkana. Ar Adbon do irạl bochor Israelkoakʼe bicạrketʼtakoa.

Bikʼcạrko 5:10

Ape okoe do ponḍ gadha eṅgare decʼkate ar kombol reakʼ godire duṛupʼkate hortepe calakʼkan, ape do niạko reaṅ baṛe sereńpe.