Mathae 21:42 - সান্তালী বাইবেল

⁴² Jisui metatʼkoa, “Sonot sostorre tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asolakʼ dhiri hoyena; noa do Probhu Isor khonge hoyena, ar aboakʼ mẽtʼ samaṅre do hahaṛawakʼge?’

Santali Common Language New Testament

⁴² Jisui metatʼkoa, “Sonot sostorkore tis hõ bape paṛhaoakada, ‘raj mistiriko okaṭakʼ dhiriko nihạ̃t giḍiletʼ, onage konac reakʼ asol dhiri hoyena; noa do Probhu khonge hoyena, ar aboakʼ mẽtʼ samaṅre do hahaṛawakʼge?’

Mathae 21:42 Iomraidhean Croise

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Habakkuk 1:5

Probhu Isore menkeda, “Jạt jạtrenko secʼ beṅgedpe, enḍekhanpe ṭhak utạrokʼa, ente ape bidạlrege nonkanakʼ iń kạmiya one ona reakʼ kathań lại apere hõ ohogepe pạtiạulena.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Aposkạmi 4:11

Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạ̃t giḍiletʼ; ar onage konac reakʼ asolakʼ dhiri do hoyena.’

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.